Jivan (aktyor)

Omkar Natx Dxar (hindcha: ओंकार नाथ धारी, ruscha: Омкар Натх Дхар, inglizcha: Omkar Nath Dhar 1915-yil 24-oktyabr—1987-yil 10-iyun) — Jeevan nomi bilan mashhur hind aktyori edi. 1950-yillardagi Narad Muninining mifologik filmlarida jami 49 marta rol ijro etgan. Keyinchalik u 1960-yil, 1970-yil va 1980-yillardagi mashhur Bollywood filmlarida salbiy qahramon rollarini ijro etgan. Uning oʻgʻli Kiran Kumar (Dipak Dhar) ham kino va televidenie aktyori.

Yoshligi

Jivan Kashmir Pandit oilasida tugʻilgan. Uning bobosi, zodagon, Gilgit agentligining gubernatori boʻlib ishlagan. Onasi tugʻish paytida vafot etgan, Jivan endigina uch yoshiga toʻlganida otasidan ayrilgan.

Faoliyati

Jivan yoshligidanoq aktyor boʻlishni orzu qilgan, chunki filmlar uni doim hayratga solgan. Uning bobosi gubernator boʻlganligi sababli, ularning oilasi zodagonlardan hisoblangan. Bunday oilaning oʻgʻli filmlarda ro ijro etishi oʻsha vaqtlar sharmandalik boʻlgan, shuning uchun Jeevan 18 yoshida uydan qochib ketdi va Bombeyga choʻntagida bor-yoʻgʻi 26 Rs bilan keladi.
Qisqa muddatli kurashdan soʻng, u oxir-oqibat Moxan Sinxaning (Vidya Sinxaning bobosi) studiyalarida ishga joylashdi. Uning vazifasi reflektorlarga kumush qogʻoz yopishtirish edi. Aynan shu yerda reflektor bola boʻlib ishlayotganida u Mohan Sinha tomonidan suratga olingan „Modali Hindiston“ filmida bosh rolni ijro etishi uchun imkoniyatni qoʻlga kiritdi.

Aytishlaricha, u turli tillarda 60 dan ortiq film va teatr tomoshalarida Narad Muni rolini ijro etgan. Jivan 1935-yilda „Romantik Hindiston“, 1946-yilda Afasana va 1942-yilda „Stansiya ustasi“ (Station Master) filmidagi rollari bilan mashhur boʻldi. Jivan 1946-yildan 1978-yilgacha bir nechta Dev Anandning filmlarida va Amar Akbar Entoni (Amar Akbar Anthony) va Dharam Veer kabi Manmohan Desai filmlarida salbiy qahramonlar sifatida paydo boʻlgan. Jivan shuningdek, panjabi tilidagi Teri Meri Ek Jindri filmida rol ijro etgan. Uning soʻnggi filmi 1986-yilda chiqarilgan Insaaf Ki Manzil boʻlib, prodyuser Ram Nandan Prasad va rejissyor Braj Bhushan edi. 1987-yil 10-iyunda 71 yoshida vafot etdi.

Tanlangan filmografiyasi

Manbalar

Havolalar

uz.wikipedia.org