Jin Yangyang
Jin Yangyang (1993-yil, 3-fevralda Dalyan shahrida tug‘ilgan) — xitoylik professional futbolchi, hozirda Xitoy Superligasining Tianjin Jinmen Tiger klubida Shanghai Shenhuadan ijara asosida o‘ynaydi.
Klubdagi faoliyati
Jin professional futbolchilik faoliyatini 2011-yilda Xitoy Superligasi vakili Dalian Shidega boshlagan. 2012-yilning 9-iyulida u Dalian Shide safidagi debyutini safarda Changchun Yataiga qarshi o‘yinda (1:0) o‘tkazdi va 80-daqiqada Zhang Yaokunning o‘rniga maydonga tushdi. U 2012-yilgi liga mavsumida 2 ta oʻyinda maydonga tushdi. 2013-yilda Jin Dalian Shide tarqatib yuborilganidan keyin Dalian Aerbinga oʻtdi. 2014-yilning 13-avgustida u Dalian Aerbin safida 2014-yilgi Xitoy Superligasida Guangzhou Evergrandega qarshi o‘yinda debyut qildi.
2015-yil yanvar oyida Jin Xitoy Superligasining Guangzhou R&F jamoasiga oʻtdi. U 2015-yilning 24-fevralida 2015- yilgi Osiyo Chempionlar Ligasida Gamba Osakaga qarshi o‘yinda Guangzhou safida debyut qildi va safarda 2:0 hisobida jamoasi bilan g‘alaba qozongan oʻyinda, oʻyinning 88-daqiqada Michelning o‘rniga maydonga tushdi. 2015-yilning 3-aprelida u Guizhou Renhega qarshi o‘z uyida 4:0 hisobida g‘alaba qozonib, o‘zining birinchi va ikkinchi golini kiritdi. Biroq u o‘yin davomida nosport harakati to‘rtta oʻyinga chetlatildi.
Jin 2016-yilning 19-fevralida Superliganing yangi futbolchisi sifatida Hebei China Fortune klubiga 80 million yuan evaziga o‘tdi. 2016-yilning 4-martida u Hebei safida Guangzhou R&Fga qarshi safarda 2:1 hisobida g‘alaba qozongan holda debyut qildi.
2021-yilning 12-aprelida Jin Shanghai Shenhuaga bepul transfer orqali qo‘shildi. 2021-yilning 13-iyulida Jin Shenhua safida maydonga tushishidan oldin Tianjin Jinmen Tiger klubiga ijaraga berildi. U Jinmen Tiger safidagi debyutini 2021-yil, 19-iyul kuni Pekin Guoanga qarshi o‘yinda golsiz durang bilan o‘tkazdi va bu uning faoliyatidagi 100-o‘yini boʻldi.
Xalqaro faoliyati
Jin 2016-yil iyul oyida FIFA Jahon chempionati-2018 saralash bosqichi — OFK 3-bosqichida Xitoy termasining kattalar jamoasi yigʻiniga chaqirilgan edi.
Faoliyat statistikasi
2021-yil 28-iyul holatiga koʻra
Klub, mavsum va musobaqalar boʻyicha koʻrinish va gollar
Manbalar
uz.wikipedia.org