Jin Jingdao
Jin Jingdao (talaffuzi: Szin Szindao) (1992-yil 18-noyabrda tugʻilgan) — koreys millatiga mansub xitoylik professional futbolchi, hozirda Xitoy Superligasining „Shandong Taishan“ klubida oʻynaydi.
Klubdagi faoliyati
Jin Jingdao futbolchilik faoliyatini 2010-yilda „Yanbian“ klubida boshlagan. U klubdagi debyutini 2010-yilning 17-aprelida Guangdong Sunray Cavega qarshi oʻyinda (1:0) oʻtkazgan. U klubdagi birinchi golini 2010-yil 15-may kuni Pudong Zobonga qarshi oʻyinda (2:1) kiritgan. Jin 2012-yil yanvar oyida Xitoyning birinchi ligasi vakili Shenyan Shenbeyga 2,3 million Yen evaziga transfer qilingan.
2013-yilning 27-fevralida Jin Xitoy Superligasi vakili Shandong Lunenga oʻtgan. U klubdagi debyutini 2013-yilning 16-martida Changchun Yataiga qarshi oʻyinda (2:0) oʻtkazgan. U „Shandun“ safida debyut mavsumida 18 ta oʻyinda maydonga tushgan va Xitoy futbol assotsiatsiyasining yilning eng yaxshi yosh oʻyinchisi sovrinini qoʻlga kiritgan. 2016-yil 8-sentyabr kuni Jin „Seul“ga qarshi 2016-yilgi Osiyo Chempionlar Ligasi oʻyinida taʼqiqlangan „Clenbuterol“ moddasi aniqlangani uchun Osiyo Futbol Konfederatsiyasi tomonidan vaqtinchalik 60 kunga diskvalifikatsiya qilingan. Oradan biroz vaqt oʻtib 2016-yil 4-noyabrda unga sakkiz oylik futboldan diskvalifikatsiya qarori qabul qilingan, bu muddat 2016-yilning 8-dekabriga qadar uch oyga qisqartirilgan. 2017-yil 9-iyul kuni Jin Xitoy Superligasidagi ilk golini „Tianjin Teda“ga qarshi oʻyinda (2:0) kiritgan.
Xalqaro faoliyati
Jin 2009-yilning iyun oyida Xitoyning 20 yoshgacha boʻlgan yoshlar terma jamoasiga chaqirilgan va oʻsha paytdagi murabbiy Su Maozendan sardorlik bogʻichini qabul qilib olgan. U 2010-yilgi 19 yoshgacha boʻlgan futbolchilar oʻrtasidagi Osiyo chempionatida ham bir nechata oʻyin oʻtkazgan. U 2011-yilning 26-martida Kosta-Rikaga qarshi oʻyinda (2:2) Xitoy terma jamoasida debyut qilgan. 2021-yil 30-may kuni Jin 2022-yilgi Jahon chempionati saralashida Guamga qarshi oʻyinda (7:0) oʻzining ilk xalqaro golini kiritgan.
Faoliyat statistikasi
Klub statistikasi
Xalqaro statistika
Yutuqlar
Klub
Shandong Luneng Shaxsiy yutuqlar
Manbalar
uz.wikipedia.org