Jhon Murillo

Jhon Eduard Murillo Romaña (talaffuzi: Jon Edvard Murillo Romagna; 1995-yil 4-iyunda Venesuelaning El Nula shahrida tugʻilgan) — Venesuelalik futbolchi, Portugaliyaning „Tondela“ futbol klubi va Venesuela terma jamoasi hujumchisi.

Klublardagi faoliyati

Jhon Murillo „Zamora“ futbol klubi tarbiyalanuvchisi hisoblanadi. 2012-yil 22-oktabrda „Llaneros“ futbol klubiga qarshi oʻyinda u Venesuela premyer ligasida debyut qilgan. 2013-yil 19-avgustda „Deportivo Petare“ futbol klubiga qarshi bahsda Jhon Murillo „Zamora“ futbol klubi safida birinchi golini urgan. 2013 va 2014-yillarda Jhon Murillo jamoaga ikki marta chempion boʻlishiga yordam bergan. 2014-yil 26- mart kuni Libertadores kubogi doirasida Paragvayning „Nacional“ futbol klubiga qarshi oʻyinda u xalqaro klublar miqyosida birinchi golini urgan.

2015-yilning 17-fevralida Libertadores kubogi doirasida Urugvayning „Montevideo Wanderers“ futbol klubiga qarshi o‘yinda Jhon Murillo gol urgan.

May oyida Jhon Murillo Portugaliyaning „Benfica“ jamoasi bilan 5 yillik shartnoma imzolagan. Oʻyin amaliyotiga ega boʻlish uchun u darhol „Tondela“ futbol klubiga ijaraga berilgan. 14-avgust kuni „Sporting Lisbon“ futbol klubiga qarshi oʻyinda Jhon Murillo Sangrish ligasida debyut qilgan. 2016-yilning 3-yanvarida „Rio Ave“ futbol klubiga qarshi kechgan bahsda u yangi klubi safidagi ilk golini urgan.

Xalqaro faoliyati

2015-yil boshida Jhon Murillo Venesuela yoshlar terma jamoasi tarkibida Janubiy Amerika yoshlar chempionatida ishtirok etgan. Turnirda u Chili, Braziliya, Urugvay va Kolumbiya jamoalariga qarshi oʻyinlarda ishtirok etgan.

2015-yil 12-fevralda Gonduras terma jamoasiga qarshi oʻrtoqlik uchrashuvida Jhon Murillo Venesuela terma jamoasi safida debyut qilgan. Oʻsha oʻyinda u terma jamoadagi ilk golini urgan. Oʻsha yili Jhon Murillo Chilida boʻlib oʻtadigan Amerika kubogi uchun tarkibga kiritilgan.

Statistika

Manbalar

uz.wikipedia.org