Jetro Willems
Jetro Danovich Sexer Willems (talaffuzi: Yetro Villems; 1994-yil 30-martda tugʻilgan) — gollandiyalik professional futbolchi, chap qanot himoyachisi sifatida 2. Bundesliga klubi Greuther Fürthda oʻynaydi.
Klublardagi faoliyati
Sparta Rotterdam
Willems oʻz faoliyatini havaskor „Spartaan'20“ jamoasida boshlagan, keyin „Sparta Rotterdam“ga oʻtgan. „Sparta“ bilan oʻynagan vaqtida klubning yoshlar akademiyasidan asosiy jamoasiga oʻtdi. 2011-yil 16 yanvarda Go Ahead Eaglesga qarshi oʻyinda debyut qildi. Gollandiya ikkinchi divizionida 16 ta oʻyin oʻtkazdi.
PSV
2011-yilning 31-avgustida Willems PSV Eindhoven klubiga uch yillik shartnoma asosida kelib qo‘shildi. 43-raqamli formani oldi va PSVdagi debyutini 23-oktyabr kuni „Vitesse“ga qarshi oʻyinda oʻtkazdi. Willems 3-noyabr kuni UEFA Yevropa Ligasi guruh bosqichida „Hapoel Tel Aviv“ga qarshi oʻyinda maydonga tushdi va UEFA musobaqalarida ishtirok etgan eng yosh gollandiyalik bo‘ldi.
Eintracht Frankfurt
2017-yilning 17-iyulida Willems Bundesliganing Eintracht Frankfurt klubiga keldi. PSVga toʻlangan transfer narxi 5 million yevro atrofida ekanligi xabar qilingandi. Willems 2017—2018-yilgi mavsumda 29 ta oʻyinda maydonga tushdi.
2019—2020-yilgi mavsum: Newcastle Uniteda ijara 2019-yil 2-avgustda Willems Premyer-liganing „Newcastle United“ klubiga sotib olish opsiyasi bilan mavsumiy ijara shartnomasi asosida qoʻshildi. Willems 14-sentyabr kuni „Newcastle United“dagi birinchi golini UEFA Chempionlar ligasining amaldagi gʻolibi Liverpoolga urdi, biroq, yakunda jamoa 1:3 hisobida magʻlubiyatga uchradi.
Greuther Fürth
2021-yil avgust oyida Willems Bundesliganing yangi jamoasi Greuther Fürth bilan ikki yillik shartnoma imzoladi va unga 15-raqamli forma berildi.
Xalqaro faoliyati
2011-yilda Willems Gollandiyaning 17 yoshgacha boʻlgan terma jamoasi bilan 2011-yilgi UEFA U-17 Yevropa chempionatida gʻolib chiqqan. 2012-yilning 22-may kuni Bayernga qarshi oʻrtoqlik oʻyinida milliy terma jamoa safidagi ilk norasmiy uchrashuvini oʻtkazdi.
2012-yil 26-may kuni Willems Gollandiya terma jamoasi bilan Bolgariyaga qarshi oʻyinda ilk bor maydonga tushdi.
Faoliyat statistikasi
Klub
14-iyun, 2020-yil holatiga koʻra
Xalqaro
10-oktyabr, 2016-yil holatiga koʻra
Yutuqlari
PSV Eintracht Frankfurt Niderlandiya U17 Manbalar
uz.wikipedia.org