Jesse Spencer
Jessi Gordon Spencer (1979-yil 12-fevralda tugʻilgan) — avstraliyalik aktyor va musiqachi. U Neighbours avstraliya serialidagi Billy Kennedy (1994-2000, 2005, 2022-yillar), Amerika tibbiy dramasi Doktor House filmida Robert Chase (2004-2012-yillar) va Amerikaning Chicago Fire dramasidagi kapitan Matthew Casey rollari bilan mashhur (2012-2021-yillar).
Hayotining boshlangʻich davri
Spencer 1979-yil 12-fevralda Melburnda radiolog Rodni Spencer va avstraliyaliklar immigratsiyaga qarshi siyosiy partiya asoschilari boʻlgan Robin Spencer oilasida tugʻilgan. Ular kkalasi ham keyinchalik 1998-yilgi „Yagona millat“ federal saylovida qatnashgan.
U to‘rt aka-ukadan biri. Spencerning ikkita katta akasi bor: okuloplastik jarroh Tarney Spencer va ortoped-jarroh Luke Spencer. Uning singlisi Polly Spencer anestezist. Voyaga yetganida, Jesse Centerbury boshlangʻich maktabi, Malvern markaziy maktabi va Shotlandiya xususiy kollejida oʻqidi. U yerda boʻlganida uzoq davom etgan Neighbours seriali uchun tanlovdan oʻtdi. U VCEni tugatdi va Monash universitetida oʻqishni boshladi, shu bilan birga aktyorlik faoliyatini ham davom ettirdi.
Karyerasi
Aktyorlik
Spencer 1994-yildan 2000-yilgacha Avstraliyaning Neighbours serialida Billy Kennedy rolini ijro etgan. Keyinchalik u 2005-yilda shouning 20 yilligiga bagʻishlangan epizodida oʻz rolini takrorladi. Uning qahramoni oʻsha vaqtda mashhur boʻlgan Ramsay koʻchasi aholisi doktor Karl Kennedy va Susan Kennedyning oʻgʻli edi.
Neighbours filmidagi vaqtdan soʻng u Olsen egizaklari bilan Winning London, Uptown girls va Swimming Upstream kabi filmlarda rol oʻynadi.
Spencer 2004-yildan 2012-yilgacha Fox kompaniyasining Doktor House tibbiy dramasida intensiv terapiya boʻyicha mutaxassis va jarroh doktor Robert Chase rolini oʻynagan. U butun film davomida Chase rolini oʻynadi va bosh qahramon shifokorlik jamoasining eng uzoq xizmat qilgan ikkinchi aʼzosiga aylandi.
Spencer 2012-yildan 2021-yilgacha NBC telekanali Chicago Fire dramasida oʻt oʻchiruvchi Matthew Casey rolini ijro etgan.
2022-yilda Spencer seriyaning azosi sifatida Neighbours filmi finaliga qaytishi tasdiqlandi.
Musiqa
Spencer oʻzining musiqiy karerasini 1986-yildan 1992-yilgacha Avstraliya oʻgʻil bolalar xorida boshlagan. U Doktor House filmi qahramoni Hugh Laurie tuzgan „TVdan Band“ guruhida skripka chalgan. Ular turli tadbirlarda qatnashib, topgan pullarini hayriya ishlariga sarflashgan. Guruh 2008-yil aprel oyida „Idol Gives Back“ da ijod qilishgan.
Mukofotlari
Neighbours filmi uchun Spencer 1998-1999-yillarda Logie mukofotlarida „Eng mashhur aktyor“ nominatsiyasiga nomzod boʻlgan. Doktor House uchun u 2005-yil Teen Choice mukofotida „Choice TV Breakout Performance — Male“ va 2008-yil Screen Actors Guild Awards mukofotida „Drama serialidagi ansamblning ajoyib ijrosi“ nominatsiyasiga nomzod sifatida koʻrsatilgan. U Doktor House filmidagi ijrosi uchun 2006-yilda „Oltin Bumerang“ mukofotini qoʻlga kiritgan. 2007-yilda u People jurnalining „100 ta eng chiroyli odam“ soniga kiritilgan.
Shaxsiy hayot
Spencer Doktor House filmidagi hamkasbi, amerikalik aktrisa Jennifer Morrison bilan 2004-yil mart oyida Vankuver xalqaro aeroportida Doktor Hause filmining uchuvchi epizodini suratga olish uchun ketayotganlarida uchrashadi. Ular 2004-yil iyul oyida tanishishni boshlaydilar va 2006-yil Rojdestvoda Eyfel minorasida Parijda dam olayotganda unashdilar. Ammo 2007-yil Spencer va Morrison nikohlarini bekor qilganliklarini eʼlon qilishdi. Ularning qahramonlari Doktor House filmining oltinchi mavsumida turmush qurishgan va ajrashgan. Film toʻgʻrisidagi shouda bu haqida aytib oʻtishgan.
Spencer 2008-yildan 2010-yilgacha britaniyalik aktrisa va qoʻshiqchi Louise Griffiths bilan uchrashgan. 2010-yildan 2013-yilgacha braziliyalik katta obroʻli Maya Gabeira bilan uchrashgan.
U 2014-yilda nevrolog Kali Woodruff Carr bilan tanishishni boshlagan, 2019-yilda unashtirilgan. Ular 2020-yil 27-iyunda turmush qurishgan.
Spencer 2021-yil noyabr oyida AQSh fuqaroligini oladi.
Filmografiyasi
Filmlari
Televizion filmlari
Musiqa-videolari
Mukofotlar va nominatsiyalari
Manbalar
uz.wikipedia.org