Jeremy Toljan

Jeremy Toljan (talaffuzi: Jeremi Tolyan; 1994-yil 8-avgustda Germaniyaning Shtutgart shahridada tugʻilgan) — nemis futbolchisi, „Borussia“ futbol klubi himoyachisi, „Sassuolo“ futbol klubida ijara asosida oʻynaydi. 2016-yilda Rio de Janeiroda boʻlib oʻtgan Olimpiya oʻyinlari ishtirokchisi.

Klublardagi faoliyati

Jeremy Toljan „Stuttgarter Kickers“ futbol klubi va „Stuttgart“ futbol klublarining bolalar jamoalarida futbol oʻynay boshlagan. 2011-yilda Jeremy Toljan „Hoffenheim“ futbol klubining futbol akademiyasiga koʻchib oʻtgan. 2013-yil 5-oktabrda Jeremy Toljan Bundesligadagi debyutini „Mainz 05“ futbol klubiga qarshi o‘tkazgan. 2015-yil 17-oktabrda „Wolfsburg“ futbol klubiga qarshi kechgan bahsda Jeremy Toljan „Hoffenheim“ futbol klubi safidagi ilk golini urgan.

2017-yilning yozida Jeremy Toljan Dortmundning „Borussia“ jamoasiga oʻtib, besh yillik shartnoma imzolagan. 2018-yilning 27-yanvarida „Freiburg“ futbol klubiga qarshi bahsda Jeremy Toljan „Borussia“ futbol klubi safida ilk golini urgan.

Xalqaro faoliyati

2010-yildan boshlab Jeremy Toljan Germaniyaning turli yoshdagi terma jamoalarida oʻynay boshlagan.

2016-yilda Germaniya Olimpiya terma jamoasi tarkibida Jeremy Toljan Rio de Janeirodagi Olimpiya oʻyinlarining kumush medali sovrindori boʻlgan. Turnirda u Meksika, Janubiy Koreya, Fiji, Portugaliya, Nigeriya va Braziliya jamoalariga qarshi oʻyinlarda ishtirok etgan.

2017-yilda Germaniya yoshlar terma jamoasi tarkibida Jeremy Toljan 2017- yilda Polshada boʻlib oʻtgan yoshlar oʻrtasidagi Yevropa chempionatida gʻolib boʻlgan. Turnirda Toljan Chexiya, Daniya, Italiya, Angliya va Ispaniya jamoalariga qarshi oʻyinlarda ishtirok etgan.

Statistika

Manbalar

uz.wikipedia.org