Jeongyeon
Yoo Jeong-yeon (koreyscha: 유정연; 1996-yil 1-noyabrda tugʻilgan),
Jeongyeon nomi bilan mashxur, janubiy koreyalik qoʻshiqchi. U JYP Entertainment tomonidan tashkil etilgan Janubiy Koreyaning Twice qizlar guruhi aʼzosi.
Yoshligi
Yo Kyung Wan ismi bilan 1996-yil 1-noyabrda Janubiy Koreyaning Kyongi provinsiyasining Suvon shahrida tugʻilgan. Uning ikkita katta opasi bor, ulardan biri aktrisa Gong Seung Yon. Uning otasi Janubiy Koreyaning sobiq prezidenti Kim Dae-jung uchun oshpaz boʻlgan. Jeongyeon yoshligida aerobika mashgʻulotlariga qatnashgan va koʻp oʻtmay qoʻshiq va raqsga qiziqib qolgan.
Faoliyati
Debyut oldidan
Jeongyeon bolaligida JYP Entertainmentga qoʻshilish uchun imtihondan oʻta olmagan, lekin 2010-yil mart oyida ochiq imtihondan oʻtib, agentlikka qoʻshilgan. U Twice bilan debyut qilishdan oldin besh yil davomida mashq qilgan. 2013-yildan 2015-yilning boshigacha Jeongyeon boshqa oʻrganuvchilar va hozirgi Twice guruhdoshlari Nayeon, Sana va Jihyo bilan birga yangi JYP qizlar guruhiga aʼzo boʻlishi kutilgan edi; ammo loyiha bekor qilingan. Keyinchalik 2015-yilda Jeongyeon Twice aʼzolarini aniqlash uchun olib boriladigan Sixteen teledasturida ishtirok etgan. Yakuniy epizodda u guruhning toʻqqiz aʼzosidan biri sifatida tanlangan.
Twice bilan debyut va sogʻliq muammolari
2015-yil oktyabr oyida Jeongyeon rasman Twice guruhi aʼzosi sifatida birinchi mini-albomi The Story Begins ning chiqarilishi bilan debyut qilgan. „Like Ooh-Ahh“ bosh singli YouTubeʼda 100 million tomoshaga erishgan birinchi K-pop debyut qoʻshigʻi boʻlgan. Jeongyeon va uning opasi 2016-yil iyulidan 2017-yil yanvarigacha Janubiy Koreyaning Inkigayo musiqiy dasturiga boshlovchilik qilishgan, buning uchun ikkalasi ham 2016-yil SBS Entertainment Awards-da Yangi kelganlar mukofotini qoʻlga kiritdganlar. Jeongyeon debyutidan beri u Twicening baʼzi treklarida qoʻshiq muallifi sifatida ham tanilgan. Gallup Koreaning yillik musiqiy soʻrovida Chonyon guruhdoshi Nayeon bilan birga 2016-yildan 2019-yilgacha toʻrt yil davomida Janubiy Koreyadagi eng mashhur 20 ta sevimli qoʻshiqchilar qatoriga kirgan.
2020-yil 17-oktyabrda JYP Entertainment Jeongyeon havotir buzilishlari tufayli tanaffusga chiqishini eʼlon qilgan. U 2021-yil 31-yanvarda 30-Seul musiqa mukofotlari marosimida faoliyatini davom ettirgan. 2021-yil 18-avgustda JYP Entertainment vahima va xavotir buzilishi tufayli Jeongyeonni ikkinchi tanaffusga chiqishini eʼlon qilgan. U 2021-yil oktyabr oyidan boshlab asta-sekin faoliyatini davom ettirmoqda.
Diskografiyasi
Filmografiyasi
Teledasturlar
Manbalar
uz.wikipedia.org