Jean Halsall

Francesca Jean Halsall(Francheska Jan Xalsall) (1990-yil 12-aprelda tugʻilgan) — nafaqadagi ingliz suzuvchisi, Olimpiya oʻyinlari, FINA jahon chempionatlari, Yevropa chempionatlarida va Hamdoʻstlik oʻyinlarida Angliya sharafini himoya qilgan. U asosan erkin va batterflyay suzish musobaqalarida qatnashgan.
Halsall 2006-yilda Melburnda boʻlib oʻtgan Hamdoʻstlik oʻyinlarida suzish boʻyicha Angliya terma jamoasining eng yosh aʼzosi sifatida qatnashib, 4×100 metrga erkin va 4×100 metrga aralash suzish estafetalarida kumush medallarni qoʻlga kiritgan.
U 2006-yil avgust oyida boʻlib oʻtgan musobaqada oltin medalni qoʻlga kiritgan va 2008-yil avgust oyida Eyndxovenda boʻlib oʻtgan musobaqada 4×100 metrli suv sporti boʻyicha Yevropa chempionatining jamoa estafetasida qatnashgan. Jean Halsall 2010-yilda Budapeshtda boʻlib oʻtgan Yevropa chempionatida beshta medal- 2 ta oltin, 2 ta kumush va bitta bronza medalini qoʻlga kiritdi va 4x100 metrga aralash estafeta suzish boʻyicha oʻz nomini ikkinchi marta muvaffaqiyatli himoya qildi. Musobaqada Halsall bitta oʻyinda beshta medalni qoʻlga kiritgan britaniyalik suzuvchiga aylandi.
2010-yilda Hindistonning Nyu-Dehli shahrida boʻlib oʻtgan Hamdoʻstlik oʻyinlarida Halsall 50 metrga batterflyay usulida suzish boʻyicha 26,19 soniya bilan milliy rekord oʻrnatib, avstraliyaliklarni magʻlub etdi va oltin medalni qoʻlga kiritdi. 100 metrga erkin usulda suzishda Halsall osonlikcha gʻalaba qozonishi kutilgan edi, ammo sogʻligi yomonlashib qoladi..Oradan 20 daqiqa oʻtib, deyarli oʻrnidan turolmasa ham, u 100 metrga batterflyay usulida suzish uchun yarim finalga qaytadi, ammo finalga chiqa olmaydi va bronza medali bilan taqdirlanadi. Keyinchalik oʻyinlarda Halsall ayollar oʻrtasida 50 metrga erkin usulda suzish va 4x100 metrga erkin va 4x100 metrga aralash suzish estafeta jamoalari tarkibida qatnashib, 3 ta kumush medalni qoʻlga kiritgan.

Shaxsiy hayoti

Xalsall 1990-yil 12-aprelda Sautportda tugʻilgan va Krosbidagi Sent-Meri kollejida oʻqigan.
2017-yilda Halsall Edge Hill universitetining faxriy doktori unvonini olgan.
2018-yilda Halsall regbi ligasi yulduzi Jon Uilkinga turmushga chiqqan.

Suzish karyerasi

2008-yilgi FINA jahon chempionati

Halsall 2008-yilda Manchesterda boʻlib oʻtgan qisqa kurslar boʻyicha jahon chempionatida toʻrtta medalni qoʻlga kiritgan, shu jumladan 4×100m erkin suzishda bronza medalini qoʻlga kiritgan. 100mga erkin suzishda Gollandiyalik Marlen Veldhuisdan keyin kelib, kumush medalni qoʻlga kiritgan.

2008-yilgi yozgi Olimpiya oʻyinlari

Halsall 2008-yilgi Yozgi Olimpiya oʻyinlarida 50mga erkin uslubda, 100mga erkin uslubda, 4×100mga erkin uslubda, 4×200mga erkin uslubda va 4×100mga aralash usulda suzish musobaqalarida Buyuk Britaniyani nomini himoya qilgan.
100mga erkin uslubda suzish musobaqasi finalida u 54,29 ball bilan 8-oʻrinni egalladi. U 53,81 natija bilan Britaniya rekordini yangiladi. Bu britaniyalik kvartetga 4×100 masofada suzish musobaqasida 3:38,18 natija bilan yangi milliy rekord oʻrnatishga yordam berdi.

2009-yilgi FINA jahon chempionati

Halsall 2009-yilda Rimda boʻlib oʻtgan jahon chempionatidagi 4 ta musobaqada qatnashgan. U 100 metrga erkin usulda suzish boʻyicha chempionat rekordini oʻrnatdi. Halsall 50 metrga erkin usulda suzish chempionatida 5-oʻrinni egalladi. 100 metrga suzish chempionatida avstraliyalik Lizbet Trikettni ortda qoldirib, 52,87 ball bilan kumush medalni qoʻlga kiritdi. Germaniyalik Britta Steffen esa 52,07 ball bilan jahon rekordini oʻrnatdi. Halsall 4x100 metrga aralash usulda suzish estafetasida 5-oʻrinni egalladi.

2012-yil yozgi Olimpiya oʻyinlari

2012-yilda Londonda boʻlib oʻtgan Yozgi Olimpiya oʻyinlarida Halsall beshta musobaqada qatnashdi. 100 mga batterflyay usulida suzish musobaqasida yarim finalga chiqib, 58,52 natijani qayd etdi.

2013-yilgi FINA jahon chempionati

50 metrga batterflyay usulida suzishda toʻrtinchi oʻrinni egallab, medalni qoʻldan boy bergan Halsall 50 metrga erkin usulda suzishda 24,30 soniya natija bilan bronza medalini qoʻlga kiritdi.

2014-yilgi Hamdoʻstlik oʻyinlari

2014-yilgi Hamdoʻstlik oʻyinlarida Halsall 50 m masofaga erkin usulda suzishda oltin medalni qoʻlga kiritib, bu musobaqada Hamdoʻstlik oʻyinlarining uchta yangi rekordini oʻrnatdi. Estafeta musobaqalarida u Angliyaga 4×100 m erkin usulda va 4×100 m aralash usulda suzish musobaqalarida kumush medallini qoʻlga kiritishga yordam berdi.

2016-yilgi Olimpiya oʻyinlari

Halsall 2016-yilgi Yozgi Olimpiyada oʻyinlarida Buyuk Britaniya uchun kurash olib borib, 50 metrga erkin usulda suzish musobaqasida bronza medalini qoʻldan boy berdi. GB jamoasiga 4×100 metrga erkin usulda suzish musobaqasida 7-oʻrinni egallashga yordam berdi.