Jason Kreis

Jason Clarence Kreis (talaffuzi: Jeyson Klarens Kris; 1972-yil 29-dekabrda AQShning Nebraska shtati Omaxa shahrida dunyoga kelgan) — amerikalik futbol murabbiyi va sobiq futbolchi. Hozirda u AQSh olimpiya terma jamoasini boshqarmoqda.

Jason Kreis futbolchilik faoliyatining asosiy qismini AQShning „Dallas“ futbol klubida, keyinroq esa „Real Salt Lake“ futbol klubida oʻtkazdi. Umuman olganda, u 300 dan ortiq professional oʻyinda maydonga tushgan. 1999-yildagi natijalariga koʻra futbolchi MLS tarixidagi eng koʻp gol urgan futbolchilar roʻyxatida uchinchi oʻrinni egallab turibdi. U shuningdek, AQSH terma jamoasida ham 14ta oʻyin oʻtkazgan.

Dastlabki yillari

Jason Kreis oʻzining tugʻilgan shahri Omahadagi „Gladiator“ futbol futbol klubida oʻynagan. Uning ota-onasi Nebraskada birinchilardan boʻlib oʻzlarining futbol klubini tashkil qilishgan. Omaxadagi Burk oʻrta maktabiga oʻqishga kirgan Jason Kreis mahalliy futbol jamoasiga chaqirildi. Birinchi kursni tugatgandan soʻng, Jason Kreis va uning oilasi Luiziana shtatining Mandevil shahriga koʻchib oʻtdi, u yerda u Mandeville oʻrta maktabi jamoasi bilan bir nechta turnirlarida qatnashdi. Shuningdek, 1991-yilda 19 yoshgacha boʻlganlar oʻrtasidagi AQSh chempionatida ikkinchi oʻrinni egallagan va nufuzli Vashington D.C. Capital Cup kubogini qoʻlga kiritgan.

Xalqaro faoliyati

Jason Kreis atigi 14 ta xalqaro oʻyinda maydonga tushgan. U birinchi oʻyinini 1996-yil 30-avgustda Salvadorga qarshi oʻtkazdi. Jason Kreis oʻzining yagona golini 1999-yil 8-sentyabrda Yamaykaga qarshi oʻyinda kiritgan va bahs 2:2 hisobida durang bilan yakunlangan.

Keyingi faoliyati

2019-yilning 19-martida Jason Kreis AQShning 23 yoshgacha boʻlgan yoshlar terma jamoasiga murabbiy etib tayinlangan.

2021-yil 1-mart kuni Jason Kreis „Inter Miami“ futbol klubining yangi bosh murabbiyi Fil Nevillning yordamchisi etib tayinlangan.

Statistika

Manbalar

uz.wikipedia.org