Jaromír Zmrhal

Jaromír Zmrhal (talaffuzi: Yaromir Zmrhal; 1993-yil 2-avgustda tugʻilgan) — Chexiyalik professional futbolchi, Slovan Bratislava klubi va Chexiya terma jamoasi yarim himoyachisi. Markaziy yarim himoyachi va chap qanot himoyachisi sifatida oʻynay oladi.

Klublardagi faoliyati

Slavia Prague

Jaromír Zmrhal 2012-yilda SK Slavia Prague jamoasining asosiy tarkibiga kirgan va ligadagi debyutini 4-avgust kuni Gambrinus ligasida Banik Ostravaga qarshi safarda oʻtkazdi, uchrashuv 2:2 hisobida yakunlandi. Birinchi ligadagi golini uch hafta oʻtgach, Zbrojovka Brnoga qarshi oʻz uyida kiritgan va klub bilan 5:0 hisobida ishonchli gʻalaba qozongan. Keyingi uch mavsumda liganing 90 oʻyinidan 83 tasida maydonga tushib, beshta gol urdi. 2015—2016-yilgi mavsumda 2015-yilning 27-sentyabr kuni bo‘lib o‘tgan Slaviya — Sparta derbisida uzoq masofadan kuchli zarba bilan g‘alaba to‘pini kiritdi.

2018-yil 9-mayda „Slavia Prague“ bilan 2017—2018-yilgi Chexiya kubogi finalida „Yablonec“ ga qarshi oʻyinda ishtirok etdi va kubok sohibi boʻldi.

Brescia

2019-yil 6-avgustda Zmrhal Italiyaning Brescia klubi bilan 4 yillik shartnoma imzoladi. Transfer narxi 3,75 million yevroga baholangan.

Mladá Boleslavga ijara
2021-yilning 1-fevralida Zmrhal Chexiyaning Mladá Boleslav klubiga yarim mavsumlik ijara asosida o‘tdi.

Xalqaro faoliyati

Zmrhal 2016-yil oktyabr oyida Germaniya va Ozarbayjonga qarshi 2018-yilgi Jahon chempionati saralash bosqichi uchun Chexiya terma jamoasiga ilk bor chaqiruv oldi. Milliy terma jamoadagi debyutini 2016-yilning 11-oktyabrida Ozarbayjonga qarshi o‘yinda o‘tkazdi. Debyut golini ikkinchi oʻyinida kiritdi, terma jamoa Jahon chempionati saralash bosqichida Norvegiyaga qarshi oʻz uyida 2:1 hisobida gʻalaba qozondi.

Jaromír Zmrhal

Klublardagi faoliyati

Slavia Prague

Brescia

Xalqaro faoliyati

Faoliyat statistikasi

Klub

Xalqaro gollari

Yutuqlari

Manbalar