Jannik Vestergaard

Jannik Vestergaard (1992-yil 3-avgustda tugʻilgan) — daniyalik professional futbolchi, Premer-liganing “Lester Siti” klubi va Daniya terma jamoasida markaziy himoyachi sifatida oʻynaydi. Vestergaard 2018-yilda "Sautgempton"ga qoʻshilishdan oldin Daniya va Germaniyaning turli klublarida oʻynagan. Shuningdek, u turli yosh toifalarida oʻynagan va 2013-yilda kattalar jamoasida debyut qilgan.

Biografiyasi

Vestergaardning otasi daniyalik va onasi esa nemis millatiga mansub. Vestergaard Kopengagen chekkasidagi Xvidovreda tugʻilgan va Kopengagenda oʻsgan. Uning nemis bobosi Xannes Shröers va amakisi Yan Shrörs ham mos ravishda Fortuna Dyusseldorf va Bayer 05 Uerdingenning futbolchisi boʻlgan. Uning amakivachchasi Mika Shreers 2016-yilda Myonxengladbaxning Borussiya yoshlar jamoasida oʻynagan. Uning Pernil ismli qiz doʻsti va Bredi ismli iti bor.

Klub karyera

Vestergaard yoshlar futbolini Vestia, Frem, Kopengagen va Brondby jamoalarida oʻtqazgan. U oʻzining katta faoliyatini Germaniyaning TSG 1899 Hoffenhaym klubida boshlagan. U 2015-yilning yanvarida "Verder"ga oʻtdi. 2016-yilning 11-iyunida Vestergaard Myonxengladbaxning «Borussiya» klubiga 12 million yevro va bonuslar evaziga qoʻshildi.

Sautgempton

Vestergaard 2018-yilning 13-iyulida Angliyaning “ Sautgempton ” klubiga oʻtib, toʻrt yillik shartnoma imzoladi. 2018-yilning 12-avgustida u Premer-ligada “Byornli”ga qarshi oʻyinda (0:0) debyut qildi. U klubdagi ilk golini 2019-yil 31-avgustda “Manchester Yunayted”ga qarshi oʻyinda (1:1) urgan edi.

Lester Siti

2021-yilning 12-avgustida “Sautgempton” Vestergaard uchun “Lester Siti”dan kelgan transfer taklifini qabul qilgani e’lon qilindi. 2021-yilning 13-avgustida u noma’lum toʻlov evaziga “Lester Siti” bilan uch yillik shartnoma imzoladi.

Manbalar

uz.wikipedia.org