Jang Ye-eun

Jang Ye-eun (koreyscha: 장예은; 1998-yil 10-avgustda tugʻilgan), Yeeun nomi bilan tanilgan, Superbell kompaniyasi bilan shartnoma imzolagan Janubiy Koreyalik qoʻshiqchi va reper. U Janubiy Koreyadagi CLC qizlar guruhining bosh reperi sifatida tanilgan. U Lee Jeno bilan 2018-yilning mayidan 2019-yilning noyabrigacha SBS MTV telekanalining The Show koʻrsatuvida eng uzoq faoliyat yuritgan boshlovchi boʻlgan.

Yoshligi va faoliyati

Yeeun Janubiy Koreyaning Dongducheon shahrida tugʻilib oʻsgan. Uning katta opasi bor. U Dongbo boshlangʻich maktabi, Dongducheon qizlar oʻrta maktabi va Seul sahna sanʼati maktabida tahsil olgan. U 2017-yilning fevral oyida Sanʼat makatabidagi taʼlimini tugatgan.

2014-yilda Yeeun qoʻshiqchi G.NAning „G.NA 's Secret“ va BtoBning „Beep Beep“ kliplarida suratga tushgan. Yeeun, shuningdek, Cube Entertainment stajyorlari bilan „G.NAʼs Secret“ tadbirlarida yordamchi raqqosa sifatida ishtirok etgan.

Yeeun 2015-yilda CLC qizlar guruhining asosiy reperi sifatida maʼlum boʻlgan. Guruh rasman 2015-yil 19-martda oʻzining First Love mini-albomii va „Pepe“ singli bilan debyut qilgan.

2020-yilning may oyida Yeeun Mnet telekanalining Good Girl musiqiy realiti-shousida aktyorlari tarkibiga qoʻshilgan. Yeeun Good Girl saundtrekining bir qismi sifatida 3 ta qoʻshiqda ishtirok etgan. U Kard guruhi aʼzosi Hyo-yeon, Cheetah, Jamie va Jiwoo bilan birga „Witch“ qoʻshigʻini ijro etgan va „Barbie“ hamda „Mermaid“ qoʻshigʻini yolgʻiz ijro etgan. Keyinchalik u M Countdow dasturining 672-epizodni reklama qilgan.

2020-yil iyun oyida kompaniya Yeeun aktyorlik debyutini oʻzining hamkasblari Seung-heei va Jang Seung Yon bilan Tastes of Horror qisqa metrajli film seriyasida oʻtkazishini eʼlon qilgan. Qisqa metrajli film premyerasi 2022-yilda Bucheon xalqaro fantastik filmlar festivalida boʻlib oʻtgan.

Diskografiyasi

Manbalar

Havolalar

uz.wikipedia.org