Jan Kromkamp

Jan Kromkamp (talaffuzi: Yan Kromkamp; 1980-yil 17-avgustda tugʻilgan) — gollandiyalik sobiq professional futbolchi, oʻng qanot himoyachisi. 2020-yilda CSV Apeldoorn murabbiyi boʻlgan.

Kromkamp Erediviziyada jami 201 oʻyin oʻtkazgan. AZ va PSVda jamoalarida toʻqqiz mavsumda sakkizta gol urgan. Faoliyatini Go Ahead Eaglesda boshlagan va shu klubda yakunlagan.

2006-yilgi jahon chempionati uchun Gollandiya terma jamoasiga kiritilgan.

Klublardagi faoliyati

Dastlabki yillar; AZ

Makkinga shahrida tugʻilgan Kromkamp professional debyutini Go Ahead Eagles safida 1998-yilning 12-sentyabrida FC Top Ossga qarshi oʻyinda (3:0) oʻtkazgan. Jamoa bilan toʻliq ikki mavsum oʻynadi va ikkinchi mavsumda 33 oʻyinda toʻrtta gol urdi.

2000—2001-yilgi mavsumda AZga oʻtdi va asosiy tarkibdan joy oldi. 2003—2004-yilgi mavsumda 34 liga oʻyinida maydonga tushdi. Mavsumda Alkmaar jamoasi ligada toʻrtinchi oʻrinni egalladi va shu tariqa UEFA Yevropa ligasiga yoʻllanma oldi.

Villarreal; Liverpul

2005—2006-yilgi mavsum boshida Kromkamp Ispaniyaning Villarreal klubi bilan shartnoma imzoladi. 2005-yil 29-dekabrda Liverpoolga oʻtishi maʼlum boʻldi.

Kromkamp "qizillar" safidagi debyutini 2006-yilning 7-yanvarida Angliya kubogining uchinchi bosqichida Luton Townga qarshi oʻyinda (5:3) oʻtkazdi .

PSV va faoliyatining yakuni

Kromkamp 2006—2007-yilgi mavsumda Liverpool safida bitta liga oʻyinida qatnashdi. 2006-yilning 31-avgustida PSV Eindhovenga oʻtd. Dastlabki ikki mavsumida 54 liga oʻyinida maydonga tushdi.

2008-yildan 2010-yilgacha Kromkamp jarohatlar tufayli Eindhovenliklar safida kamdan-kam maydonga tushdi. 2011-yil 22-fevralda oʻzining birinchi professional jamoasi Go Ahead Eaglesga qoʻshildi.

2013-yil 23-iyun kuni 33 yoshida Kromkamp professional futboldan ketishini eʼlon qildi.

Xalqaro faoliyati

Kromkamp ilk bor Gollandiya terma jamoasi safida 2004-yil 18-avgustda Shvetsiyaga qarshi oʻrtoqlik oʻyinida (2:2) maydonga tushgan.

Faoliyat statistikasi

Klub

Manbalar:[10][11]

Xalqaro

Manba:[10]

Yutuqlari

Liverpool

PSV

Manbalar

uz.wikipedia.org