Jan Boklöv

Yan Mauritz Boklöv — (1966-yil 14-aprelda tugʻilgan) 1988—1989-yilgi Jahon kubogi mavsumida gʻolib chiqqan shvetsiyalik sobiq changʻichi. Mauritz 1980-yillarning oxiri va 1990-yillarning boshlarida Shvetsiya milliy chempionatlarida ham ustunlik qilgan. Yan 1980-yillarning oxiri va 1990-yillarning boshlarida hozirda keng tarqalgan V-uslubni ommalashtirish bilan mashhur hisoblanadi.

Kurt Elima Boklovning murabbiylaridan biri boʻlgan. Boklöv ikki Qishki Olimpiya oʻyinlarida ishtirok etgan, 1988-yilda Kalgaridagi jamoaviy katta tepalik musobaqasida yettinchi oʻrinni egallagan va 1992-yilda Albertville shahridagi yakka tartibli oddiy tepalikda 47-oʻrinni egallagan. 1989-yilda Laxti shahrida boʻlib oʻtgan changʻida sakrash boʻyicha jahon chempionatida u jamoaviy katta tepalikda beshinchi oʻrinni egallagan va yakka tartibli oddiy tepalik musobaqalarida oʻninchi oʻrinni egallagan. 1990-yilda Vikersundda changʻi uchish boʻyicha jahon chempionatida Boklöv 27-oʻrinni egallagan. Yan asosan jamoaviy va katta tepaliklardagi musobaqalarda oʻzini sinab kelgan. Dastlabki changʻi sportidagi revolutsiya ham aynan Yanning faoliyat davrlariga toʻgʻri keladi.

1989-yilda u Radiosporten radiosi auditoriyasi tomonidan ovoz bergan sportchilar orasida yilning eng yaxshi sport koʻrsatkichi uchun Jerringpriset mukofotiga sazovor boʻlgan.

2000-yillarning boshlarida Lyuksemburgda yashagan va 2016-yildan boshlab oilasi bilan birga Bryusselda yashay boshlagan.

Sportchi hozirgi kungacha sobiq sport sohasidagi musobaqalarga kuzatuvchi sifatida tashrif buyurib turadi.

Jahon kubogi musobaqalarida gʻalabalar

Shvetsiya milliy chempioni

Oddiy tepalik (K70): 1985-yil, 1986-yil, 1987-yil, 1989-yil.
Katta tepalik (K90): 1986-yil, 1988-yil, 1989-yil, 1990-yil.

Manbalar

uz.wikipedia.org