James Vandermeer
James Patrick Vandermeer (talaffuzi: Jeyms Patrik Vandermir) (1980-yil 21-fevralda tugʻilgan) — kanadalik sobiq professional xokkey himoyachi. James Vandermeer oxirgi marta Elit xokkey ligasining (EIHL) „Belfast Giants“ xokkey klubida oʻynagan.
Oʻyin faoliyati
Havaskor
James Vandermeer toʻrt yillik faoliyatini (1997—2001) Gʻarbiy xokkey ligasining (WHL) „Red Deer Rebels“ xokkey jamoasi bilan oʻtkazgan. James Vandermeer klub safida 2001-yilda Memorial kubogi gʻolibi boʻlgan.
Professional
2000-yil 21-dekabrda Vandermeer „Philadelphia Flyers“ xokkey klubi bilan erkin agent sifatida shartnoma imzoladi. James Vandermeer oʻzining AHLdagi ilk oʻyinini 2001—2002-yilgi mavsumda „Philadelphia Phantoms“ xokkey klubi bilan oʻtkazdi. 2003-yil 2-yanvarda Vandermeer NHLdagi ilk oʻyinini „Philadelphia Flyers“ xokkey klubi safida „Anaheim Ducks“ xokkey klubiga qarshi uchrashuvda oʻtkazdi.
2004-yilning 19-fevralida klub tomonidan Colin Fraser bilan „Chicago Blackhawks“ xokkey jamoasiga Alexei Zhamnov evaziga almashtirildi. 2004—2005-yilgi NHL lokavti paytida Vandermeer „Chicago Blackhawks“ xokkey klubining AHL filiali „Norfolk Admirals“ xokkey jamoasi bilan oʻynadi. Vandermeer 2005—2008-yillarda „Chicago Blackhawks“ xokkey klubi bilan qayta shartnoma imzoladi.
2007-yil 18-dekabrda Vandermeer Ben Eager evaziga „Philadelphia Flyers“ xokkey jamoasi safiga qaytarildi. 2008-yil 20-fevralda James Vandermeer „Calgary Flames“ xokkey klubi safiga 2009-yilgi NHL kirish loyihasida uchinchi raund tanlovi asosida qabul qilindi.
2008-yil 1-iyulda Vandermeer „Calgary Flames“ xokkey klubi bilan cheklanmagan erkin agent sifatida 6,9 million dollarlik uch yillik shartnoma imzoladi.
2010-yil 7-aprelda Vandermeer „Phenix Coyotes“ xokkey klubi safida „Yil odami“ deb topildi. 2010-yil 30-iyunda Vandermeer „Edmonton Oilers“ xokkey klubi safiga qoʻshildi.
„Edmonton Oilers“ klubi safidagi 2010—2011-yilgi mavsumda James Vandermeer jamoaning muqobil sardorlardan biri deb topildi. 2011-yil 22-mart kuni Vandermeer „Nashville Predators“ xokkey klubiga qarshi o‘yinda faoliyatidagi 100-ochkosini qayd etdi.
2011-yil 1-iyulda Vandermeer cheklanmagan erkin agentga aylandi va „San Jose Sharks“ xokkey klubi bilan bir yillik 1 million dollarlik shartnoma imzoladi.
Shaxsiy hayoti
James Vandermeer Alberta shtatidagi Carolina shahrida tugʻilib oʻsgan. Vandermeerning ukasi Pete Vandermeer ham xokkeychi sifatida faoliyat olib boradi.
Vandermeer va uning rafiqasi Stefanie 2007-yilda tanishishgan edi. Ular 2009-yil 3-iyulda Vancouverda turmush qurishdi. Ularning ikki farzandi (2013-yilda tug‘ilgan o‘g‘li va 2014-yilda tug‘ilgan qizi) bor.
Faoliyat statistikasi
Muntazam mavsum va pley-off oʻyinlari
Manbalar
uz.wikipedia.org