James McCarthy
James McCarthy (talaffuzi: Jeyms Makkarti; 1990-yil 12-noyabrda Shotlandiyada tugʻilgan) — shotlandiyalik futbolchi, Shotlandiyaning „Celtic“ futbol klubi va Irlandiya terma jamoasi yarim himoyachisi.
Klublardagi faoliyati
James McCarthyning birinchi professional futbol klubi „Hamilton Academical“ boʻlib, u yerda 2006-yilda oʻynay boshlagan. James McCarthy jamoada 100 dan ortiq oʻyin oʻtkazgan.
2009-yil 16-iyulda Angliyaning „Wigan Athletic“ futbol klubidan James McCarthyni sotib olish taklifi tushgan va futbolchi besh kundan keyin „Wigan Athletic“ futbol klubiga ko‘chgan. Transfer narxi 1,2 million funt sterlingni tashkil etgan. James McCarthy „Wigan Athletic“ futbol klubida toʻrt mavsum davomida premyer ligada oʻynagan. 2012—2013-yilgi mavsumda u jamoa tarkibida Angliya kubogi sohibiga aylangan. Futbolchi 2013—2014-yilgi mavsumni „Wigan Athletic“ futbol klubida boshlagan, ammo 2-sentyabr kuni 13 million funt sterling evaziga mavsum boshlanishidan oldin „Wigan Athletic“ futbol klubi futbolchini „Everton“ futbol klubiga sotgan. Umuman olganda, barcha turnirlarda James McCarthy 133 ta oʻyin oʻtkazib, 8 ta gol urgan. Futbolchining „Everton“ futbol klubidagi debyuti 2013-yilning 14-sentyabrida „Chelsea“ futbol klubiga qarshi oʻyinda amalga oshirgan. Shuningdek, 2013—2014-yilgi mavsumda James toʻrtta Angliya kubogi va bir marta Liga kubogi oʻyinida ishtirok etgan. 2014—2015-yilgi mavsumda James McCarthy premyer liganing 28 uchrashuvida maydonga tushib, ikkita gol urgan. Qolaversa, futbolchi faoliyatida ilk bor Yevropa ligasida maydonga tushgan edi.
Xalqaro faoliyati
2007-yilda James McCarthy Irlandiyaning 17 yoshgacha boʻlgan terma jamoasida oʻynash taklifini qabul qilgan. James McCarthy 2008-yilgacha Irlandiyaning turli yoshlar jamoalarida oʻynagan. 2008—2012-yillarda Irlandiya yoshlar terma jamoasi safida 7 oʻyin oʻtkazib, bitta gol urgan.
2010-yilning mart oyida u Irlandiya terma jamoasi safida Braziliyaga qarshi oʻrtoqlik uchrashuvida debyut qilgan. James McCarthy Irlandiya terma jamoasi safida Makedoniyaga qarshi EURO-2012 saralash oʻyinida maydonga tushgan.
Irlandiyaliklar uchun 2014-yilgi Jahon chempionati saralash turnirida James McCarthy 10 ta oʻyindan 9 tasida ishtirok etgan.
Statistika
Manbalar
uz.wikipedia.org