James Craigen

James Craigen (1991-yil, 28-martda tugʻilgan) — ingliz professional futbolchisi, Shotlandiya chempionatida Arbroath jamoasida yarim himoyachi sifatida oʻynaydi. U oʻz faoliyatini Preston North Endda boshlagan, u yerda u oʻzining 10 yilini yoshlar tarkibida oʻtkazgan. U, shuningdek, Edinburg universiteti jamoasida ham toʻp surar edi; u usha universitetda talaba boʻlgan. Keyin u ligadan tashqari futboldan Shotlandiyaning ikkinchi darajasiga sakrab chiqdi va Shotlandiya birinchi divizioni Partick Thistle klubiga qoʻshildi va u yerda Greenock Mortonga qarshi oʻyinda Thistle klubining Shotlandiya Premer-ligasiga koʻtarilishi yoʻlidagi hal qiluvchi golni urdi. U Forfar Athletic klubida ijarada oʻynagan va Partick Thistledan ketganidan keyin Raith Rovers, Falkirk va Dunfermline Athletic klublarida faoliyat olib borgan.

Klubdagi faoliyati

Yoshligi

Craigen Edinburg universiteti safida futbol oʻynagan, shu bilan birga akademik oʻqishga eʼtibor qaratgan. U, shuningdek, BUCS Home Nations turnirida gʻolib chiqqan Shotlandiya universiteti safida bor edi. Craigen 2011-yilda Yaponiyada boʻlib oʻtgan Talabalar oʻyinlarida Buyuk Britaniya universitetiga saylangan va u yerda jamoa ikkinchi oʻrinni egallagan.

Partick Thistle

Craigen 2012-13-yilgi mavsum boshida Partick Thistle bilan shartnoma imzoladi, shu bilan birga universitetdagi oxirgi kursini tugatgan. U 2012-yil oktyabr oyida Forfar Athleticga ijaraga oʻtdi va 2013-yil boshida Thistlega qaytdi. U ijara davrida ikki bor gol urdi.

Partick Thistlega qaytib kelgach, Craigen chempionlik uchun kurash paytida asosiy futbolchilardan biri edi. U 2013-yilning aprel oyida oʻz uyida Mortonga qarshi oʻyinda (1:0) jamoasi safida yagona golni urdi, bu gʻalaba Partick Thistle uchun liga chempionligini taʼminladi.

2015-yil may oyida Craigen 2014-15-yilgi mavsum oxirida Partick Thistle tomonidan qoʻyib yuboriladigan futbolchilardan biri edi.

Raith Rovers

Craigen 2015-yilning 26-iyunida Shotlandiya chempionatining Raith Rovers jamoasi bilan shartnoma imzoladi.

Falkirk

2016-yilning 10-martida Craigen Shotlandiya chempionatidagi Falkirk klubi bilan shartnoma imzoladi. Klubdagi birinchi mavsumida Craigen Falkirk safida 27 ta oʻyin oʻtkazib, 3 ta gol urib, ligada ikkinchi oʻrinni egallashiga yordam berdi. U Shotlandiya Premer-ligasining yarim final pley-off oʻyinlarining har birida Dundee Unitedga qarshi oʻyinda yana ikkitadan gol urdi, garchi Bairns umumiy hisobda 3:4 hisobida magʻlub boʻlganidan keyin finalga chiqa olmadi.

Craigen klubdagi ikkinchi mavsumida juda kam maydonga tusha boshlagan, keyinchalik 2018-yil yanvar oyida klub safidagi faoliyati bir yarim yil boʻlgach qoʻyib yuborilgan.

Dunfermline Athletic

Keyinchalik Craigen 2018-yilning 19-yanvarida Shotlandiya chempionati va Falkirkning raqibi Dunfermlayn Athletic bilan shartnoma imzoladi, bu shartnoma uni 2018-yilning yozigacha klubda qoldirae edi. Craigenning shartnomasi 2019-yilning mayigacha uzaytirildi, shundan soʻng u yangi chaqiruv izlash uchun klubni tark etishi eʼlon qildi.