Jamaal Lascelles
Jamaal Lascelles (talaffuzi: Jamol Lascelles; 1993-yil 11-noyabrda Angliyada tugʻilgan) — „Newcastle United“ futbol klubida markaziy himoyachi sifatida oʻynaydi. Angliya yoshlar jamoasida ham oʻynagan.
Biografiyasi
Jamaal Lascellesning otasi basketbolchi boʻlgan va Buyuk Britaniyaning 18 yoshgacha boʻlgan basketbol jamoasini boshqargan. Jamaal Lascellesning akasi ham basketbolchi va Buyuk Britaniya terma jamoasida oʻynagan. Jamaalning Jalen ismli ukasi ham bor. Jamaal Lascelles ham yoshlar klublarida basketbol oʻynagan, ammo keyinchalik futbolga qiziqishi ortib borgan.
Klublardagi faoliyati
Jamaal Lascelles „Nottingham Forest“ futbol klubi bitiruvchisi. 2011-yil boshida, u professional darajada debyut qilmasdanoq, Angliyaning yetakchi klublari Jamaalga qiziqish bildirishgan. Londonning „Arsenal“ futbol klubi 17 yoshli Jamaal uchun 5 million funt taklif qilgan, „Liverpool“, „Tottenhem“ va „Manchester City“ futbol klublari ham uni sotib olish taklifini bergan. Biroq, „Nottingham Forest“ futbol klubi barcha takliflarni rad etgan va 2011-yil mart oyida Jamaal Lascelles bilan birinchi professional shartnomasini imzolagan.
Jamaal Lascelles „Nottingham Forest“ futbol klubi safidagi debyutini 2012-yilning 31-yanvarida amalga oshirgan. U „Burnley“ futbol klubiga qarshi oʻyinda debyut qilgan.
Xalqaro faoliyati
2011-yil 29-mart kuni Jamaal Lascelles 19 yoshgacha boʻlgan Angliya terma jamoasida Gollandiyaga qarshi oʻrtoqlik uchrashuvida debyut qilgan. Umuman olganda, u 2011—2012- yillarda ushbu jamoada 8 ta oʻyin oʻtkazgan. 2011-yilning 12-aprelida Jamaal Lascelles Angliyaning 18 yoshgacha boʻlgan terma jamoasida oʻzining yagona uchrashuvini Italiyadan kelgan tengdoshlari bilan oʻtkazgan. 2013-yilda Jamaal Lascelles murabbiy Peter Taylor tomonidan Angliya terma jamoasining yoshlar oʻrtasidagi jahon chempionati tarkibiga kiritilgan. U guruh bosqichining birinchi oʻyinini Iroq termasiga qarshi toʻliq oʻtkazgan, qolgan ikkitasini zaxirada oʻtkazgan.
Futbolchining debyuti Yevropa chempionati saralash turniri doirasida Moldova terma jamoasiga qarshi o‘yinda bo‘lib o‘tgan. Jamaal Lascelles asosiy tarkibda maydonga tushgan va butun oʻyinni maydonda oʻtkazgan. 2014-yilning 17-noyabr kuni Fransiya yoshlar terma jamoasi bilan o‘rtoqlik o‘yinida ham qatnashib, butun uchrashuvda to‘liq ishtirok etgan.
Statistika
Manbalar
uz.wikipedia.org