Jakub Moder

Jakub Piotr Moder (talaffuzi: Yakub Moder; 1999-yil 7-aprelda tugʻilgan) — Polshalik professional futbolchi, Premyer-liganing Brighton & Hove Albion klubi va Polsha terma jamoasida yarim himoyachi sifatida oʻynaydi.

Klublardagi faoliyati

Ilk faoliyat davri

Moder Szczecinek shahrida tugʻilgan. Fortuna Wieleńda futbolchilik faoliyatini boshlagan va 2011-yilda Warta Poznańga akademiya oʻyinchisi sifatida qoʻshildi.

Lech Poznań

2014-yilda Moder Lech Poznań akademiyasiga o‘tdi va 2016-yilda o‘rinbosarlar jamoasiga oʻtdi. 2018-yilning 2-aprelida „Lech Poznań“ safida Wisła Kraków ga qarshi oʻyinda zaxiradan maydonga tushib debyut qildi (1:3).

Odra Opole (ijara)
2018-yilning 18-iyunida Moder I liga vakili Odra Opolega ijaraga berildi.

Odra Opoledagi ijara muddatidan qaytgach, Moder Lech Poznań bilan shartnomasini 2023-yilga qadar uzaytirdi va Dariusz Żuraw qoʻl ostida tez orada asosiy tarkib futbolchisiga aylandi. Lech Poznań safidagi birinchi golli uzatmani mehmonda Górnik Zabrzega qarshi oʻyinda (3:1) amalga oshirdi va 2020-yilning fevralida birinchi golini „Raków Częstochowa“ga qarshi oʻyinda (3:0) kiritdi. 2020-yil iyun oyida Ekstraklasada oyning eng yaxshi yosh oʻyinchisi deb topildi.

Lech Poznańning 2020—2021-yilgi UEFA Yevropa Ligasi saralashida muhim rol oʻynadi va oʻz uyida Valmieraga qarshi oʻyinda (3:0) golli uzatmani amalga oshirdi. 2020-yil 20-sentabr kuni Moder mahalliy raqib Warta Poznanga qarshi oʻyinda oʻyinning yagona golini kiritdi.

Brighton & Hove Albion

2020-yil 6-oktabrda Angliyaning „Brighton & Hove Albion“ klubi bilan 6 million funt sterling evaziga shartnoma imzoladi.

Lech Poznań (ijara)
Oʻsha yili sobiq klubi Lech Poznańga, dastlab mavsum oxirigacha ijaraga berildi (bu Lech Poznańning UEFA Yevropa Ligasidagi muvaffaqiyatiga bogʻliq edi). Lech Poznań 2020—2021-yilgi Ekstraklasa mavsumini yomon boshlaganiga qaramay, Moder 4 ta gol urib, 2 ta golli uzatmani amalga oshirdi. 2020-yil 22-oktabrda UEFA Yevropa ligasidagi debyutini 2020—2021-yilgi mavsum guruh bosqichida „Benfica“ ga qarshi o‘yinda o‘tkazdi va bu o‘yinda „Lech“ 4:2 hisobida mag‘lub bo‘ldi.

18-dekabrda Lech Poznań 2020—2021-yilgi UEFA Yevropa ligasini tark etganidan soʻng, Moderning 2020-yil 31-dekabrda ijara shartnomasi bekor eʼlon qilindi. 2020-yilning 19-dekabrida „Lech Poznań“ safidagi so‘nggi o‘yinini Wisła Krakówga qarshi o‘yinda (1:0) o‘tkazdi.

Xalqaro faoliyati

2020-yil 4-sentabr kuni Moder Polsha terma jamoasida ilk bor UEFA Millatlar ligasida Niderlandiyaga qarshi oʻyinda oʻtkazdi. Robert Levandowski yoʻqligida unga 9-raqamli futbolka berildi. 2020-yil 7-oktabrda Finlandiyaga qarshi o‘rtoqlik o‘yinida (5:1) ilk bor asosiy tarkibda maydonga tushdi. 2020-yil 11-noyabrda Arkadiuza Milik o‘rniga maydonga tushganidan bir necha soniya o‘tib milliy terma jamoadagi ilk golini kiritdi, o‘rtoqlik uchrashuvida Polsha Ukrainani 2:0 hisobida mag‘lub etdi. 2021-yil 31-mart kuni 2022-yilgi Jahon chempionati saralashida Angliyaga qarshi o‘yinda John Stonesning xatosidan foydalanib, ikkinchi golini kiritdi.

Moder 2021-yil 17-may kuni Yevro-2020 uchun Polshaning 26 kishilik tarkibiga kiritildi, turnir Koronavirus tufayli keyingi yilga qoldirilgani sababli 2021-yil yozida boʻlib oʻtgan. 19-iyun kuni Polshaning Ispaniyaga qarshi guruhdagi ikkinchi o‘yinida maydonga tushdi. Penaltini amalga oshirdi va sariq kartochka oldi. Moder va Southampton futbolchisi Jan Bednarek 23-iyun kuni Polshaning Shvetsiyaga qarshi hal qiluvchi oʻyinda jarohatda boʻlgani uchun ishtirok eta olishmadi, oʻshanda Polsha Sankt-Peterburgda 3:2 hisobida magʻlub boʻlib, turnirni erta yakunladi.

Moder jarohati tufayli 2022-yilgi Jahon chempionatiga chaqirilmadi.

Faoliyat statistikasi

Klub

10-avgust, 2022-yil holatiga koʻra

Xalqaro

29-mart, 2022-yil holatiga koʻra

2022-yil 29-mart holatiga koʻra

Yutuqlari

Individual

Manbalar

uz.wikipedia.org