Jahongir Aliyev
Jahongir Shavkatovich Aliyev (tojikcha: Ҷаҳонгир Шавкатович Алиев ; 1996-yil 14-iyul ; Xoʻjand, Tojikiston) — tojikistonlik futbolchi, yarim himoyachi ampulasida oʻynaydi. 2018-yilning iyun oyidan Tojikistonning "Xoʻjand " klubi futbolchisi sifatida roʻyhatdan oʻtgan. 2015-yildan beri u Tojikiston terma jamoasi safida muntazam maydonga tushib kelmoqda.
Faoliyati
Jahongir 11 yoshida futbol oʻynay boshlagan. Maktab chempionatida toʻp tepib yurgan vaqtida Tojikiston Ikkinchi ligasi vakili — „Qayroqqum“dan kelgan mahalliy futbol klubi murabbiyi unga eʼtibor qaratgan. Shu tariqa u Qayroqqum jamoasi tarkibida Ikkinchi ligada oʻynay boshlagan. „Qayroqqum“ning „Parvoz“ klubi bilan oʻyinida unga raqib jamoa murabbiylari qiziqish bildirishgan va Jahongir Aliyev bu jamoaga oʻtish borasida taklif olgan. 2012-yildan boshlab „Parvoz“ jamoasi bilan Tojikiston chempionatida oʻynay boshlagan. 2013-yilda u "Xoʻjand" jamoasi tarkibiga jalb qilingan, 2015-yilda Parvoz safiga qaytgan va butun mavsum davomida Tojikiston shimoliy poytaxti klubi aʼzosi boʻlgan.
2016-yil yanvar oyida Dushanbe jamoasi xisoblanadigan „Istiqlol“ safiga koʻchib oʻtgan. U 2017-yil oxirigacha „Istiqlol“da oʻynagan. 2018-yilning yanvar oyida Jahongir Oʻzbekistonning "Nasaf" klubi bilan shartnoma imzolagan. 2018-yil iyun oyida Xoʻjand jamoasi tarkibiga qaytgan.
2014-yilda yoshlar terma jamoasiga chaqiruv olgan. 2016-yildan Tojikiston yoshlar terma jamoasini sardor sifatida maydonga olib tusha boshlagan. 2015-yilning 13-oktabr kuni u Iordaniyaga qarshi oʻyinda Tojikiston terma jamoasi safida debyut qilgan. Shu paytgacha u oʻz mamlakati terma jamoasi safida 13 ta oʻyin oʻtkazgan.
Yutuqlari
"Xoʻjand" tarkibida:
„Istiqlol“ tarkibida:
Manbalar
Havolalar
uz.wikipedia.org