Jacob Brown
Jacob Samuel Brown (1998-yil 10-aprelda tugʻilgan) — professional futbolchi, Angliya chempionatining " Stoke City " klubi va Shotlandiya milliy futbol jamoasida hujumchi sifatida oʻynaydi.
Brown oʻz faoliyatini Barnsley bilan boshlagan, 2016-yil oktyabr oyida professional jamoada debyut qilgan. 2017-18-yillarni Chesterfildda ijarada oʻtkazganidan soʻng, u Oakwelldagi birinchi jamoaga kirib, ularga 2018-19-yillarda chempionatga chiqishga yordam bergan. 2020-yil sentyabrida u nomaʼlum to‘lov evaziga „Stoke City“ga o‘tgan.
Angliyada tugʻilib oʻsgan Brown 2021-yil noyabr oyida Shotlandiya milliy futbol jamoasidan chaqiruv olgan.
Klubdagi faoliyati
Barnsley
Brown oʻz faoliyatini Sheffild Wednesday akademiyasida boshlagan, u yerni 14 yoshida tark etgan. U 16 yoshida Guiseley bilan shartnoma imzolagan va 2014-yil oktyabr oyida West Riding County Cup musobaqasida Selby Townga qarshi birinchi katta oʻyinida maydonga tushgan. Brown 2015-yil yanvar oyida 18 yoshgacha boʻlganlar oʻrtasidagi oʻyinda maydonga tushganidan soʻng Barnsleyga koʻchib oʻtgan. Brown Barnsley uchun debyutini 2016-yilning 22-oktyabrida Brentfordga qarshi oʻtkazgan va zahiradan maydonga tushgan. 2017-18 yilgi mavsumning birinchi yarmini 23 yoshgacha boʻlgan Barnsley bilan oʻtkazganidan soʻng, Brown 2018-yilning 31-yanvarida 6 oylik ijara asosida Liganing ikkinchi jamoasi " Chesterfild "ga qoʻshilgan. Brown 2017-18-yillarda klub safida 13 marta maydonga tushgan va ularga Milliy ligaga tushib ketmasliklariga yordam bera olmgan.
Brown 2018-19-yilda Daniel Stendel qo‘l ostida Oakwellda birinchi jamoaga kirgan va qanot hujumchisi sifatida o‘ynagan. 2019-yil yanvarida EFL oyining eng yaxshi yosh futbolchisi sovrinini qo‘lga kiritgan. U 2018-yilning dekabr oyida yangi shartnoma imzolagan. U faoliyatida ilk bor 2019-yilning 2-martida "Sautend United "ga qarshi o‘yinda qizil kartochka olgan. Brownn 2018-19-yilda 38 marta oʻyin oʻtkazgan va sakkizta gol urgan. Brown 2019-yilning may oyida Barnsley bilan shartnomani uzaytirgan. 2019-20-yillarda Brown toʻqqizta golli uzatmani amalga oshirgan.
Stokee City
Brown " Stoke City "ga 2020-yil 9-sentyabrda nomaʼlum pul evaziga qoʻshilgan. U „Stoke“ safidagi ilk golini 2020-yil 17-sentyabrda „ Wolverhampton Wanderers“ ga qarshi 1:0 hisobida g‘alaba qozongan Angliya liga kubogida, ligadagi birinchi golini noyabrda " Reding "ga qarshi o‘yinda (3:0) kiritgan. Brown 2020-21 yilgi mavsumda 46 oʻyinda 6 ta gol urrgan, Stoke 14-oʻrinni egallagan. U 2021-22-yilgi mavsumning ochilish kunida „Reding“ga qarshi 3:2 hisobida gʻalaba qozonganda asosiy tarkibda maydonga tushgan. „Stoke“ mavsumni yaxshi oʻyinlar bilan boshlagan va yil oxirida pley-off bahslarida qatnashgan. Brown 14 ta gol bilan eng yaxshi toʻpurar boʻlgan, uni yilning eng yaxshi futbolchisi deb topilishiga sabab boʻlgan.
Xalqaro faoliyati
Brownn Glazgoda tugʻilgan onasi tufayli Angliya va Shotlandiya uchun xalqaro futbol oʻynash huquqiga ega boʻlgan. 2021-yil noyabr oyida Brown Shotlandiya tomonidan Moldova va Daniyaga qarshi Jahon chempionati saralash o‘yinlari uchun chaqirilgan. Brown 2021-yilning 12-noyabrida Shotlandiya terma jamoasi safida debyut qilgan va Moldovaga qarshi o‘yinda (2 – 0) zaxiradan maydonga tushgan.
Faoliyat statistikasi
Klub
Xalqaro
Yutuqlar
Barnsley Shahsiy yutuqlar Manbalar
uz.wikipedia.org