Jackson Irvine
Jackson Alexander Irvine (talaffuzi: Jekson Aleksandr Irvine; 7-mart 1993- yilda Avstraliyaning Melburn shahrida tugʻilgan) — avstraliyalik futbolchi, „St. Pauli“ futbol klubi va Avstraliya terma jamoasida yarim himoyachi sifatida oʻynaydi. 2018-yilgi jahon chempionati ishtirokchisi.
Klublardagi faoliyati
Jackson Irvine oʻz faoliyatini „Melbourne Victory“ futbol klubida boshlagan. 2010-yilda u Shotlandiyaning „Celtic“ futbol klubiga oʻtgan va ilk mavsumlarda „Celtic“ futbol klubi yoshlar jamoasida oʻynagan. 2012-yil 1-sentyabrda „Hibernian“ futbol klubiga qarshi oʻyinda Jackson Irvine Shotlandiya premyer ligasida debyut qilgan. Xuddi shu mavsumda u chempion va Shotlandiya kubogi sohibiga aylangan.
2013-yilda Jackson Irvine oʻyin amaliyotiga ega boʻlish uchun „Kilmarnock“ futbol klubiga ijaraga oʻtgan. 17-avgust kuni „St Mirren“ futbol klubiga qarshi oʻyinda u yangi jamoada debyut qilgan. 19-oktyabr kuni „Ross County“ futbol klubiga qarshi oʻyinda Jackson Irvine „Kilmarnock“ futbol klubi safida birinchi golini urgan.
2014-yilning yozida Jackson Irvine ijara asosida „Ross County“ futbol klubiga koʻchib oʻtgan. 13-sentyabr kuni „Motherwell“ futbol klubiga qarshi oʻyinda u yangi jamoada debyut qilgan. 2015-yil 1-yanvarda „Inverness Thistle“ futbol klubiga qarshi bahsda Jackson Irvine „Ross County“ futbol klubi safida birinchi golini urgan.
Xalqaro faoliyati
2013-yilda Avstraliya yoshlar terma jamoasi tarkibida Jackson Irvine Turkiyada boʻlib oʻtgan yoshlar oʻrtasidagi jahon chempionatida ishtirok etgan. Turnirda u Salvador, Turkiya va Kolumbiya jamoalariga qarshi oʻyinlarda ishtirok etgan.
Oʻsha yilning 15-oktyabrida Kanadaga qarshi oʻrtoqlik oʻyinida Jackson Irvine Avstraliya terma jamoasida debyut qilgan. 2017-yilning 28-mart kuni JCh-2018 saralashida Birlashgan Arab Amirliklariga qarshi o‘yinda Jackson Irvine terma jamoadagi ilk golini urgan .
2017-yilda Jackson Irvine Rossiyada boʻlib oʻtgan Konfederatsiyalar kubogida ishtirok etgan. Turnirda u Kamerun va Chili jamoalariga qarshi oʻyinlarda maydonga tushgan.
2018-yilda Jackson Irvine 2018-yilda Rossiyada boʻlib oʻtgan jahon chempionatida ishtirok etgan. Turnirda Jackson Irvine Fransiya, Daniya va Peru jamoalariga qarshi oʻyinlarda maydonga tushgan.
Statistika
Manbalar
uz.wikipedia.org