Ivan Shefer
Ivan Aleksandrovich Shefer (ruscha: Иван Александрович Шефер; 1983-yil 19-fevralda tugʻilgan) — muz ustida konkida uchish musobaqalarida qatnashgan rossiyalik sobiq muz raqqosi. Sherigi Yekaterina Rubleva bilan birga 2009-yilgi Rossiya kubogi bronza medali sovrindori, 2004-yil Bofrost kubogi bronza medali sovrindori va toʻrt karra Rossiya milliy chempionatining medal sohibi (2008, 2009 — kumush; 2007, 2010 — bronza) boʻlgan.
Shaxsiy hayoti
Ivan Shefer Rossiya SFSR, Kirov shahrida tugʻilgan. U 2010-yil aprel oyida turmush qurgan va uning oʻgʻli Konstantin 2010-yil avgust oyida dunyoga kelgan.
Faoliyati
Ivan Shefer 1994-yilda Yekaterina Rublyova bilan juftlik hosil qilgan. Rublyova/Shefer 2001 — 2002-yillar mavsumida xalqaro musobaqalarda qatnasha boshladi va Xalqaro konkida uchish ittifoqi tomonidan oʻtkazilgan oʻsmirlar oʻrtasidagi Gran-pri musobaqasida debyut qilgan. Juftlik 2001 — 2002-yillarda Shvetsiya va Chexiyada boʻlib oʻtgan Xalqaro konkida uchish ittifoqi tomonidan oʻtkazilgan oʻsmirlar oʻrtasidagi Gran-pri musobaqalarida 5 va 4-oʻrinni egalladilar. Rossiya Chempionatida ular kattalar oʻrtasida 8-oʻrinni va oʻsmirlar oʻrtasida 6-oʻrinni egalladi.
2002 — 2003-yilgi mavsumda Rubleva / Shefer juftligi 2002 — 2003-yillarda Xitoyda boʻlib oʻtganXalqaro konkida uchish ittifoqi tomonidan oʻtkazilgan oʻsmirlar oʻrtasidagi Gran-pri musobaqasida kumush medalni qoʻlga kiritdi va Germaniyada boʻlib oʻtgan musobaqada 4-oʻrinni egallab, oʻsmirlar oʻrtasidagi Gran-pri finalida 8-oʻrinni egalladi. 2003 — 2004-yilgi mavsumda juftlik 2003 — 2004-yillardagi Xalqaro konkida uchish ittifoqi tomonidan oʻtkazilgan oʻsmirlar oʻrtasidagi Gran-pri turnirida oʻzlarining ikkala musobaqasida ham kumush medallarni qoʻlga kiritib, finalga yoʻl olishdi. Ular oʻsmirlar oʻrtasidagi Gran-pri finalida 7-oʻrinni egalladi. 2004 yilgi Rossiya Chempionatida kattalar oʻrtasida 5-oʻrinni, keyin esa oʻsmirlar oʻrtasida bronza medalini qoʻlga kiritdilar. Ular 2004-yilgi Oʻsmirlar Jahon Chempionatiga yuborildilar va u yerda 6-oʻrindan joy oldilar.
Rubleva / Shefer 2004 — 2005-yilgi mavsumda xalqaro miqyosda yuqori darajaga koʻtarildi. Ular 2004 Nebelhorn Trophy musobaqasida 4-oʻrinni egalladilar va 2004-yilgi Bofrost Cup turnirida bronza medalini qoʻlga kiritdilar. Juftlik 2005-yilgi Rossiya Chempionatida 5-oʻrinni egalladilar. 2005-yilgi Qishki Universiadada qatnashib, u yerda ham 5-oʻrinni egalladilar.
Dasturlari
(Yekaterina bilan)
Natijalari
(Yekaterina bilan)
Manbalar
uz.wikipedia.org