Itoman, Okinava

Itoman (yaponcha:糸満市, Itoman-shi) – Yaponiyaning Okinava prefekturasida joylashgan shahar. Itoman shahri hududi Okinava orolining janubida joylashgan. 2013-yil aprel holatiga koʻra shahar aholisi 59,605 kishi. Aholi zichligi har kvadrat kilometrga 1,335,53 kishini tashkil qiladi. Umumiy maydoni 46,63 km².

Geografiyasi

Itoman janubda Keyp-Kyan va shimolda Yozadake shakarqamish dalalari, shuningdek, Ryukyuan adirli tepaliklari bilan bir tekislikda joylashgan. Shaharning janubi Keyp-Kyan va Mabuni tik dengiz qoyalari bilan mashhur.

Tarixi

Itoman baliq ovlash porti sifatida uzoq tarixga ega. Avvalgi davrlarda Manbalarda Itoman baliqchilari Hind okeanigacha borganligi aytiladi. Yozuvlar shuni koʻrsatadiki, dengizchilar Avstraliya va Yangi Gvineya hududlarigacha yetib borgan. 1908-yilga kelib Itoman qishlogʻida 8000 kishi yashagan va ularning deyarli barchasi baliqchilik sohasi bilan shugʻullangan. Itomanlik erkaklar baliq ovlash bilan, ayollar esa Naha prefekturasiga baliq tashish va sotish bilan shugʻullangan. 1918-yilda Naha va Itoman shahri tramvay liniyasi orqali bogʻlangan. Bu liniya yoʻlning uzunligi 12 km boʻlgan. Okinava prefekturasi temir yoʻllari Itoman liniyasiga 1924-yilda ulangan va 1945-yilgacha ishlagan.

Itoman Ikkinchi Jahon urushida Okinava jangining oxirgi fronti boʻlgan. Hududning harbiy kuchlari va tinch aholisi juda katta talofatlar koʻrgan.

Maʼmuriy tarixi

Itoman 1908-yilda shaharcha sifatida tashkil etilgan. 1961-yilda uning tarkibiga Kanegusuku, Takamine va Miva qishloqlari kiritilgan. Itomanga 1971-yil 1-dekabrda shahar maqomi berilgan.

Hokimiyati

Itoman shahri Shiozaki hokimiyati tomonidan boshqariladi. Itoman taʼlim kengashi shahardagi maktabgacha taʼlim, boshlangʻich hamda oʻrta maktablar, jamoat taʼlim markazlari va sport inshootlarini boshqaradi. Itoman shahar kengashi toʻrt yillik muddatga saylanuvchi 23 ta aʼzodan iborat boʻlib, kengash raisi (Isao Uehara) va rais oʻrinbosari (Isao Tokuzato) tomonidan boshqariladi.

Iqtisodiyoti

Baliqchilik Itoman shahrining asosiy sanoati boʻlib qolmoqda.

Transporti

Yoʻllari

Okinava orolining sharqiy qirgʻogʻi boʻylab Itoman shahri va Ogimi qishlogʻini bogʻlaydigan Yaponiya milliy 331-yoʻnalishi Itoman shahri orqali oʻtadi va shaharni Okinavaning boshqa munitsipalitetlari bilan bogʻlaydi.

Manbalar

Tashqi havolalar

uz.wikipedia.org