ITELMEN TILI — itelmenlarning tili. Osiyo tillari Chukotka-Kamchatka oilasiga mansub. Rossiya Federatsiyasi Kamchatka viloyati Koryag milliy okrugi Tigil tumani hududi (Kamchatkaning g’arbiy qirg’og’i)da tarqalgan. Itelmen tilida so’zlovchilar ozchilikni tashkil etadi. Uchta dialektidan hozirgi faqat g’arbiy dialektdagi 2 ta sheva saqlanib qolgan. Itelmen tili yozuvga ega emas. Itelmen tili fonetikasi konsonant (undosh)lik kuchliligi bilan ajralib turadi. Morfologiyasi agglyutinativ. Uning grammatik shakli va ba’zi bir o’zaklarga ko’ra chukot va Koryak tillariga qarindosh. Mazkur tillar tovush munosabati kam o’rganilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish