Itakura, Gunma
Itakura (yaponcha: 板倉町 Itakura-machi?) Yaponiyaning Gunma prefekturasida joylashgan shaharchadir. 2020-yil 1-sentyabr holatiga koʻra, shaharda 5717 ta xonadonda 14323 nafar aholi istiqomat qilgan va aholi zichligi har kvadrat kilometrga 340 kishidan toʻgʻri keladi. Shaharning umumiy maydoni 41,86 kvadrat kilometr (16,16 mil²) ni tashkil etadi. Itakuraning hayvon telismani bu mushukdir. U Raiden ziyoratgohidagi bronza haykalida tasvirlangan, shuningdek, mushuk Itakura yozgi festivalida mikoshi sifatida tasvirlangan, yana, shaharning quduqlari qopqogʻi mushuk suratlari bilan bezatilgan. Itakura Yaponiyadagi kamdan-kam uchraydigan hududlardan biri boʻlib, u yerda mushuk baliqlari mahalliy delikatest taom hisoblanadi.
Geografiyasi
Itakura shimoliy Kanto tekisligida Gunma prefekturasining oʻta janubiy burchagida joylashgan boʻlib, janubda Saitama prefekturasi va shimolda Tochigi prefekturasi bilan chegaradosh. Shahardan Tone daryosi oqib oʻtadi,Vatarase daryosi esa shahrchaning shimoliy chegarasini tashkil etadi.
Atrofdagi munitsipalitetlar
Gunma prefekturasi
Saitama prefekturasi
Tochigi prefekturasi
Iqlim
Itakura nam kontinental iqlimga ega (Köppen Cfa) boʻlib issiq yoz va sovuq qish bilan tavsiflanadi. Itakurada oʻrtacha yillik harorat 14,3 °C ni tashkil etadi. Yillik oʻrtacha yogʻin miqdori 1303 mm boʻlib, sentyabr esa eng seryogʻin oy hisoblanadi. Avgustda eng yuqori harorat 26,6 °C, eng past harorati esa yanvarda, 3,3 °C atrofida boʻladi.
Demografiyasi
Yaponiya aholini roʻyxatga olish maʼlumotlariga koʻra, Itakura aholisi soni soʻnggi 70 yil ichida kamaygan.
Tarixi
Nishiyada, Ebise, Ogano va Inara qishloqlari 1889-yil 1-aprelda Gunma prefekturasining Ora tumanida Meidzi restavratsiyasidan keyin zamonaviy munitsipalitetlar tizimini yaratish bilan yaratilgan. 1955-yil 1-fevralda toʻrtta qishloq birlashib, Itakura shahrini tashkil etgan. Meiva 1998-yil 1-oktyabrda shaharcha maqomiga koʻtarildi.
Hukumat
Itakura toʻgʻridan-toʻgʻri saylanadigan mer va 12 aʼzodan iborat bir palatali shahar kengashiga ega boʻlgan mer-kengash boshqaruv shakliga ega. Itakura, Ora tumanidagi boshqa munitsipalitetlar bilan birgalikda Gunma prefekturasi assambleyasiga uchta aʼzoni qoʻshish huquqiga ega. Milliy siyosat nuqtai nazaridan, shahar Yaponiya Diet quyi palatasining Gunma 3-okrugi tarkibiga kiradi.
Iqtisodiyoti
Itakura asosan Tokio va deyarli Tatebayashi uchun yotoqxona jamoasi vazifasini oʻtaydi. Shahar hududining taxminan 55 % qishloq xoʻjaligi yerlaridan tashkil topgan. Itakuraning asosiy qishloq xoʻjaligi mahsulotlariga guruch va bodring kiradi, ammo boshqa koʻplab ekinlar ham mahalliy sharoitda yetishtiriladi.
Taʼlim tizimi
Itakurada shahar hukumati tomonidan boshqariladigan ikkita davlat boshlangʻich maktabi va bitta davlat oʻrta maktabi shuningdek, Gunma prefekturasi taʼlim kengashi tomonidan boshqariladigan bitta davlat oʻrta maktabi faoliyat yuritadi. Toyo universitetining Itakura shahrida filiallar kampusi bunyod etilgan.
Transport
Temir yoʻl
Tobu temir yoʻli — Tobu Nikko liniyasi
Magistral yoʻl
Mahalliy diqqatga sazovor joylar
Gallereya
Manbalar
Havolalar
Media related to Itakura, Gunma at Wikimedia Commons
uz.wikipedia.org