Irlandiya avtomobil bombasi

Irlandiya avtomobil bombasi — bu Irlandiya stauti, qaymoqli likyor va Irlandiya viskisidan tashkil topgan alkogolli kokteyl.

Bu nom Irlandiya ingredientlariga (odatda Ginnes pivosi, Jeymeson viskisi va Beylis likyori) hamda Shimoliy Irlandiyada portlatilgan koʻp sonli avtomobil bombalariga ishora qiladi.

Tayyorlanishi

Viski standart ryumka yarmigacha quyiladi, ikkinchi yarmi qaymoqli likyor bilan toʻldiriladi. Keyin pivo stakaniga (oʻrtasiga qadar) staut quyiladi, shundan soʻng ryumkadagi viski va likyor juda tez stautli stakanga otiladi va ichimliklar aralashib ulgurmasidan, hammasi bir qultumda ichiladi.

Turli variantlari

Dastlab, sanab oʻtilgan ingredientlarga qoʻshimcha ravishda, kokteyl tayyorlash uchun Kalua likyori ishlatilgan. Baʼzi manbalar retseptning asl nomini koʻrsatadi: Belfast avtomobil bombasi (Belfastdagi avtomobil bombasi).

Tanqid

Irlandiya avtomobil bombasi nomi IRA faoliyatiga havolalar tufayli koʻpincha haqoratli hisoblanadi. Shu sababli, baʼzi barmenlar bu kokteylni tayyorlashdan bosh tortishadi. Irlandiyada deyarli nomaʼlum boʻlgan kokteylga buyurtma berish notoʻgʻri tushunilishi ham mumkin.

Manbalar

Havolalar

uz.wikipedia.org