Irina Lobachyova
rina Viktorovna Lobacheva (ruscha: Ири́на Ви́кторовна Лобачёва; 1973-yil 18-fevral, Ivanteevka, Moskva viloyati) — muz ustida raqs boʻyicha musobaqalarda qatnashgan rus figurali uchuvchisi. Ilya Averbux bilan juftlikda 2022-yilgi Olimpiya oʻyinlarining kumush medal sovrindori. 2002-yilda Jahon chempioni, 2003-yilda Yevropa chempioni, Rossiya chempioni (1997, 2000 — 2002) boʻlgan. Irina Rossiyada xizmat koʻrsatgan sport ustasi.
Tarjimayi holi
Irina 1979-yilda figurali uchish bilan shugʻullanishni boshlagan. Birinchi sherigi Aleksey Pospelov boʻlgan. Unga Natalya Dubinskaya murabbiylik qilgan.
1992-yilda Irina oʻsha paytda Marina Anisina bilan juftlikda konkida uchuvchi Ilya Averbuxga qiziqib qolgan. Shundan soʻng murabbiylar Averbuxni Lobacheva bilan juftlikka qoʻydilar. Juftlik 1994-yilda murabbiylari Natalya Linichuk va Gennadiy Karponosov bilan birgalikda AQShning Delaver shtatiga koʻchib oʻtishdi.
1995-yil 10-martda Irina sherigi Ilya Averbuxga turmushga chiqdi.
2003-yilda Lobacheva va Averbux juftligi havaskor sportdagi faoliyatini yakunladi.
Irina 2004-yil 3-martda oʻgʻli Martinni dunyoga keltirdi.
Irina qoʻshiqchi Valeriy Syutkin („Zvyozdi na ldu“), aktyor Dmitriy Maryanov („Lednikoviy period“) va aktyor Vladimir Shevelkov („Lednikoviy period“) bilan juftlikda va yana Dmitriy Maryanov bilan („Lednikoviy period“ koʻrsatuvining uchinchi mavsumida, 2009-yilda) Birinchi kanalda efirga uzatilgan „Zvyozdi na ldu“ va „Lednikoviy period“ loyihalarida ishtirok etgan. 2010-yilda Birinchi kanalda efirga uzatiluvchi „Lyod i plamen“ loyihasida aktyor Denis Matrosov bilan juftlikda ishtirok etdi.
2007-yil noyabr oyida Irina va Ilya Ilyaning shaxsiy hayotidagi voqealar tufayli ajralishlarini eʼlon qilishdi. Buning sababi, Averbuxning „Lednikoviy period“da ishtirok etgan aktrisa bilan ishqiy munosabati edi, shundan soʻng bu aktrisa Ilyadan oʻgʻil koʻrdi.
2009—2011-yillarda Irina aktyor Dmitriy Maryanov bilan norasmiy nikohda yashagan. Keyinchalik u figurali uchish boʻyicha murabbiy (oʻzidan 17 yosh kichik) Ivan Tretyakovga turmushga chiqdi.
2020-yil 23-iyulda er-xotin rasman ajrashishdi.
Hozirda Irina Lobacheva murabbiy. U Belorussiya vakili Kseniya Shmirina / Yegor Maistrov juftligi bilan ishlagan.
Davlat mukofotlari
Natijalari
(Averbux bilan)
Manbalar
uz.wikipedia.org