Irene Rosenfeld
Irene Blecker Rosenfeld (talaffuzi: „Iren Bleker Rozenfeld“, 1953-yil 3-mayda tugʻilgan) — Mondelēz International kompaniyasining raisi va bosh ijrochi direktori boʻlgan amerikalik ishbilarmon ayol. Rosenfeldning faoliyati New-Yorkdagi reklama agentligi boʻlgan Dancer Fitzgerald Sampleda boshlangan. Keyinchalik esa General Foods isteʼmolchi tadqiqotiga qoʻshildi va keyin Frito-Layni bosh direktor va rais sifatida boshqardi.
Erta hayot va taʼlim
Rosenfeld New-Yorkning Vestberi shahrida yahudiy Seymour va Joan Bleckerning oilasida tugʻilgan. Uning bir singlisi bor — Linda Blecker. Bobsi va buvisi ruminiyalik yahudiylar, onasining bobosi va buvisi nemis yahudiylari edi. Irene New-Yorkdagi U.Tresper Clarke oʻrta maktabida oʻqidi. U marketing va statistika fanlari nomzodi, biznes magistri va Kornel universitetida psixologiya boʻyicha bakalavr darajasiga ega. Universitetda basketbol, voleybol va tennis kabi sport turlarida ham ustunlik qilgan, koʻpincha jamoa sardori boʻlib oʻynagam va buni „mening yetakchi sifatida rivojlanishimning asosiy omili“ deb taʼkidlaydi.
Faoliyati
Rosenfeld taxminan 30-yil davomida oziq-ovqat va ichimliklar sanoati bilan shugʻullanadi. Uning birinchi ishi New-York shahridagi Dancer Fitzgerald Sample reklama agentligida edi. U keyinchalik General Foods kompaniyasiga isteʼmolchi tadqiqotchisi sifatida qoʻshildi.
2004-yilda Rosenfeld PepsiCo kompaniyasining Frito-Lay boʻlimiga rais va bosh direktor etib tayinlandi va u yerda mahsulot reklamasiga koʻproq eʼtibor qaratdi.
Rosenfeld 2006-yil iyun oyida Kraft Foods kompaniyasining bosh direktori etib tayinlangan edi. U keyinchalik Kraftning bir qismi boʻlgan General Foods kompaniyasiga qoʻshildi. Kraftdagi koʻplab yutuqlari orasida Irine AQSh, Kanada va Moskvadagi asosiy biznesni qayta qurish va oʻzgartirishga rahbarlik qilgan. U bir qator sanoat va jamoat tashkilotlarida, jumladan Chikago iqtisodiy klubida faol hisoblanadi. Irine 2007-yil mart oyida Altria Group kompaniyasining Kraft kompaniyasidan ajralib chiqqanidan keyin qoʻshimcha rais lavozimiga tayinlangan.
2008-yilda The Wall Street Journal jurnalining „Koʻrish kerak boʻlgan 50 ayol“ roʻyxatida oltinchi oʻrinni egalladi. Rozenfeld bir necha bor Forbes tomonidan dunyodagi eng kuchli 100 ayol roʻyxatiga kiritilgan. U yerda 2014-yilda Opra Uinfridan ortda qolgan va 15-oʻrinni egallagan.
2010-yilda Rozenfeld jami 19,3 million dollar tovon puli ishlab oldi va Forbes Executive Pay reytingida 48-oʻrinni egalladi.
Rosenfeld Chikago iqtisodiy klubi aʼzosi. Irine oziq-ovqat ishlab chiqaruvchilar uyushmasi direktorlar kengashi va Kornell universiteti vasiylar kengashida ishlaydi. U Isteʼmol tovarlari forumi direktorlar kengashida oʻtiradi.
2011-yil avgust oyida Kraft ikkita ommaviy sotiladigan kompaniyaga boʻlinishni rejalashtirayotganini aytdi, ulardan biri Trident saqichlari va Oreo pechenelari kabi xalqaro atıştırmalıklar brendlariga, ikkinchisi esa Maxwell House qahvasi va Oskar Mayer goʻshtini oʻz ichiga olgan Shimoliy Amerikadagi oziq-ovqat biznesiga eʼtibor qaratdi.
Munozara
2016-yilgi AQSh prezidentlik saylovlari kampaniyasi davomida Mondelez va Rozenfeld Respublikachilar partiyasidan nomzod Donald Trump va Demokratik nomzodlar Hillary Clinton va Bernie Sanders tomonidan Chicagodan Salinas (Meksika) shahriga taxminan 600 ta ish joyini autsorsing qilgani uchun tanqid qilindi.
Manbalar
uz.wikipedia.org