INTRODUKTSIYA
INTRODUKTSIYA (lotincha introductio – muqaddima) (musiqada) — 1) opera, balet, operetta kabi asarlarning muqaddimasi (uvertyura turi). Operada uvertyuradan so’ng ijro etilayotgan bi-rinchi vocal ansambl yoki xorning chiqishi ham Introduktsiya deyiladi; 2) simfoniya, Sonata, kontsert singari asarlardagi 1 – yoki yakuniy qism (final)ning muqaddimasi, vazmin sur’atli bo’ladi. O’zbekiston kompozitorlarining asarlarida ham Introduktsiya uchraydi. Masalan, A. Kozlovskiyning “Ulug’bek” operasi yakkaxonlar, xor va orkestr ishtirok etadigan Introduktsiya bilan boshlanadi.
Manba
O'zbekiston Milliy Ensiklopediyasi
Uzpedia.uz