INTENDANT
INTENDANT (Fransuzcha intendant — boshqaruvchi, mudir) — 1) 15-18-asrlarda Frantsiyada davlat boshqaruvining alohida sohasi (savdo, moliya va boshqalar)ni boshqargan mansabdor shaxs; 17-18-asrlarda, shuningdek, sudpolitsiya, moliya va ba’zi joylarda qisman harbiy hokimiyatni boshqargan viloyat Intendantlari ham mavjud bo’lgan; 2) qurolli kuchlarda qo’shin ta’minoti masalalarini hal qiluvchi shaxs. 17-asrdan Frantsiya, Germaniya, Avstro-Vengriya, Rossiya, sobiq sho’ro qurolli kuchlari (1940-55, 1958-59) va boshqa davlat armiya va flotlarida ham mavjud bo’lgan. O’rta Osiyo harbiy tarixidagi yurtovul, yurtchi, mo’g’ullardagi cherbi istilohlari Intendantga taxmin mos keladi.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz