Inoue, Yasushi

Yasushi Inoue (yaponcha 井上靖 Inoue Yasushi, 1907 yil 6 may — 1991 yil 29 yanvar) yapon yozuvchisi va shoiri.

Hayoti va ijodi

Taniqli yapon yozuvchisi Yasushi Inoue 1907-yilning 6-may kunida Yaponiyaning Hokkaydo orolida, harbiy shifokorlar Hayao va Yae Inouelar oilasida tavallud topgan. Ota-onasi Yasushini olti yoshida Shizuoka perfekturasida yashovchi buvisining tarbiyasiga topshirishgan. 1926 yili Inoue ota-onasining yoniga qaytgan. Kyushyu universitetidagi tibbiyot fakultetining kirish imtixonlarini topshira olmagan. Biroq fillologiya fakulteti (ingliz tili boʻlimi)ga oʻqishga kira olgan. Yasushi Inoue Kyushyu universitetidagi oʻqishini Kioto universitetiga koʻchiradi. Yasushi Inoue Kioto universitetida falsafa, estetika fanlarini oʻrgangan va 1936-yilda oʻqishini tamomlagan.

Talabalik vaqtida yaʼni 1935-yilda Yasushi Inoue Adati Fumiga uylangan. Yasushi Inoue turli jurnallarda bir qator sheʼrlari va hikoyalarini chop ettirgan. Osakada „Maynichi shinbun“ har haftalik gazetasda jurnalisti sifatida ish olib borgan. Shimoliy Xitoydagi harbiy hizmatdan soʻng (1937-1938) Inoue „Maynichi“ gazetasining madaniyat boʻlimida faoliyatini davom ettirgan.

Harbiy hizmatdan soʻng Yasushi Inoue „Ov quroli“ va „Buqalar jangi“ novellalari bilan yozuvchi sifatida oʻzini namoyon etgan.1949-yilda „Buqalar jangi“ novellasi uchun Ryunosuke Akutagava nomidagi mukofotni qoʻlga kiritgan.

1951-yilda Tokioga qaytgandan soʻng Inoue toʻlaligicha yozuvchilik bilan shugʻillangan. 1964 -yilda Yaponiya Sanʼat Akademiyasining aʼzosiga aylanadi. 1976 yilda u eng yuqori mukofotlardan biri bilan taqdirlandi: unga „ningenkokuho“ unvoni berildi, bu „inson — milliy boylik“ degan maʼnoni anglatadi. 1984 yilda u Kavabata Yasunari oʻrniga ''Pen-klub''ning Yaponiya boʻlimi prezidenti lavozimini egalladi.

Yolg‘izlik va odamlar o‘rtasidagi munosabatlar haqida ko‘plab hikoya va sheʼrlar yozgan.

Hikoyalari

Filmografiya

Havolalar

uz.wikipedia.org