Inabe
Inabe (yaponcha: いなべ市 Inabe-shi?) Yaponiyaning Mie prefekturasida joylashgan shahardir. 2021-yil 1-avgust holatiga koʻra, shaharda 17314 ta xonadonda 43114 nafar aholi istiqomat qiladi va aholi zichligi har kvadrat kilometrga 200 nafarni tashkil qiladi. Shaharning umumiy maydoni 219,58 kvadrat kilometr (84,78 mi²) ga teng.
Geografiyasi
Inabe Kii yarim orolining uzoq shimoli-sharqiy chekkasida va Mie prefekturasining uzoq shimoli-gʻarbiy qismida, Gifu va Shiga prefekturalari bilan chegarada joylashgan. Inabe daryosi shahar markazidan oqib oʻtadi.
Qoʻshni munitsipalitetlar
Iqlimi
Inabe nam subtropik iqlimga ega (Köppen Cfa), yozi issiq va qishi salqin hamda qor yogʻmaydi. Inabeda oʻrtacha yillik harorat 13,0 °C ni tashkil etaddi. Yillik oʻrtacha yogʻingarchilik 1960 mm, sentyabr esa eng seryogʻin oy hisoblanadi.
Demografiyasi
Yaponiya aholini roʻyxatga olish maʼlumotlariga koʻra, Inabe aholisi soni soʻnggi 30 yil ichida nisbatan barqaror boʻlib qolgan.
Tarixi
Zamonaviy Inabe hududi qadimgi Ise viloyatining bir qismi boʻlgan, oʻsha paytdagi Edo davrida asosan Kuvana domenining nazorati ostida edi. 1889-yil 1-aprelda zamonaviy munitsipalitetlar tizimining yaratilishi bilan Inabe tumanida Ageki qishlogʻi tashkil etildi. Ageki 1929-yil 10-martda shaharcha maqomiga koʻtarildi hamda 1955-yil 1-aprelda qoʻshni Toyashiro va Yamasato qishloqlari bilan birlashib, Hokusei shahrini tashkil qildi. Inabe shahri 2003-yil 1-dekabrda sobiq Hokusei shahrining qoʻshni Inabe, Dayan va Fujivara bilan qoʻshilishi natijasida tashkil etilgan.
Hukumat
Inabe toʻgʻridan-toʻgʻri saylanadigan mer hamda 18 aʼzodan iborat bir palatali shahar kengashiga ega boʻlgan mer-kengash boshqaruv shakliga ega. Inabe shahrida, Toin shahri bilan birgalikda Mie prefekturasi assambleyasiga ikki aʼzoni qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining Mie 3-okrugi tarkibiga kiradi.
Iqtisodiyoti
Inabe mintaqaviy savdo markazi boʻlib, iqtisodiyoti aralash sanoat va qishloq xoʻjaligiga asoslanadi. Toyota Motor, Denso va boshqa avtomobilsozlik sanoat korxonalari mahalliy iqtisodiyotning kuchli tarkibiy qismini tashkil etadi.
Taʼlim tizimi
Inabe shahrida 11 ta davlat boshlangʻich taʼlim maktabi va shahar hukumati tomonidan boshqariladigan toʻrtta davlat oʻrta taʼlim maktabi hamda Mie prefekturasi taʼlim boshqarmasi tomonidan boshqariladigan bitta davlat yuqori taʼlim maktabi faoliyat yuritadi.
Transport
Temir yoʻl
Sangi temir yoʻli — Sangi liniyasi
Sangi temir yoʻli — Xokusei liniyasi
Magistral yoʻl
Mahalliy diqqatga sazovor joylar
Taniqli odamlar
Galereya
Manbalar
Havolalar
uz.wikipedia.org