In the Year 2525
„
In Year 2525 (Exordium & Terminus) “ (tarjimasi „2525-yilda (Muqaddima va xotima)“) – AQShda tuzilgan Zager and Evans pop-rok dueti ijro etgan qoʻshiq. Tarona 1969-yil 12-iyuldan boshlab olti hafta davomida „Billboard Hot 100“ xit-paradida birinchi pogʻonada turgan. Oʻsha yilning avgust va sentyabr oylarida uch hafta davomida Buyuk Britaniyaning singllar xit-paradida birinchi pogʻonani egallab turgan. Qoʻshiq 1964-yilda Rick Evans tomonidan yozilgan va bastalangan. Dastlab 1968-yilda „Truth Records“ nomli kichik mintaqaviy rekord leybl tomonidan chiqarilgan. Keyinchalik qoʻshiq RCA Records eʼtiboriga tushgan. Zager and Evans dueti 1971-yilda tarqab ketgan.
Zager and Evans dueti bir marta xit ashula chiqargan xolos. 2021-yil holatiga koʻra, duet ham AQSh, ham Britaniyada xit ashula yozib, karyerasi davomida na AQSh, na Britaniya xit-paradlariga boshqa kirmagan yagona sanʼakorlardir. Duetning RCA Victor leybli ortqali chiqarilgan keyingi singli – „Mr. Turnkey“ qoʻshigʻi Kanada pop chartlarida 48-, Kanada AC xit-paradida 41-oʻringacha koʻtarilgan xolos. Duetning yana bir singli – „Listen to the People“ qoʻshigʻi Kanadada „Cashbox“ jurnali chartining eng quyi 100-pogʻonasini egallagan, Kanada xit-paradida esa 96-pogʻanaga koʻtarilishga muvaffaq boʻlgan
Qoʻshiq yangi texnologiyalar passiv qabul qilinib, insonlarning ularga qaramligi oshib borayotgani haqida boʻlib, 1960-yillarning yakunida koʻpchilik uchun bu mavzu aktual boʻlgan. „In Year 2525 (Exordium & Terminus)“ qoʻshigʻi Apollon 11 Oyga qoʻnish missiyasi davomida „Billboard Hot 100“ singllar xit-paradida birinchi oʻrinni egallab turgan boʻlgan.
Qoʻshiq 1968-yilda Texasning Odessa shahridagi yaylovda joylashgan studiyada deyarli bir urinishda yozib olingan. Qoʻshiqni yozib olishda Odessa simfoniyasi aʼzolari ham ishtirok etishgan. „In Year 2525 (Exordium & Terminus)“ qoʻshigʻi kamida 60 marta yetti tilda kaver qilingan. Jumladan, Zager and Evans dueti qoʻshiqni italyan tilida „Nell’Anno 2033“ nomi bilan kuylagan.
Manbalar
Havolalar
uz.wikipedia.org