IMPERIYA
IMPERIYA (lotincha imperium — hokimiyat) — 1) imperator boshqargan monarxiya davlatining nomi; ba’zi qadimgi zamon (Rim imperiyasi), o’rta asr (“Muqaddas Rim imperiyasi”) yirik monarxiya davlatlari ham Imperiya deb atalgan. Podsho Rossiyasi Pyotr I davri (1721)dan Romanovlar hokimiyati ag’darilguniga qadar (1917), Frantsiya Napoleon I (1-imperiya) va Napoleon III (2-imperiya) davrida, Avstriya 1804— 1914 yillarda (1868 yildan Avstriya-Vengriya), Germaniya (1871 yildan 1918 yil inqilobiga qadar) Imperiya bo’lgan; 2) mustamlakalari bo’lgan yirik davlatlar. Masalan, Buyuk Britaniya dominion va mustamlakalari bilan birga Britaniya imperiyasini tashkil etgan.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz