IMOM RIZO ANSAMBLI
IMOM RIZO ANSAMBLI – mashhad (Eron)dagi me’moriy yodgorliklar majmui (12-19-asrlar). Ansambl eski hovli, Alisher Navoiy ayvoni, yangi hovli, Imom Rizo maqbarasi, Gavharshod begim masjidi, madrasa, kutubxona, karvonsaroy va boshqalardan iborat. Ansambl 2 marta qayta qurilgan. Markazida shialarning 8-imomi Ali ibn Muso ar- Rizo maqbarasi joylashgan (9-asrda bunyod etilib, 12-asrda Oljeytu sultoni hukmronligi davrida gumbazi qayta tiklangan). Maqbarani bezatish uchun katta mablag’ sarflangan. Maqbara ulug’vorligi jihatidan Samarkand va Hirot (14-15- asrlar) maqbaralari bilan tenglashadi. 4 hovlidagi katta ayvonlar [Janubiy-g’arbiy qismi (uzunligi 46 metr) A. Navoiy boshchiligida 15-asr oxirida qayta qurilgan va o’z ko’rinishini o’zgartirgan], Shoh Abbos II ayvoni (1649), Gavharshod begim sharafiga qurilgan masjid joylashgan va u eshik orqali maqbara bilan bog’langan. Ansamblning devor va gumbazlari koshinlar, naqshli lavhalar, izorasi Marmar va zarhallar bilan qoplangan.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz