Igor Voronchenko
Igor Aleksandrovich Voronchenko (1964-yil 22-avgust, Babai, Ukraina SSR, SSSR) – ukrainalik harbiy rahbar, Ukraina dengiz kuchlari qoʻmondoni (2016-yil 2-iyul — 2020-yil 11-iyun). 2020-yil 11-iyundan Ukraina Mudofaa vazirligining bosh inspektori, admiral (2018).
Hayoti
Igor Voronchenko Xarkov viloyatining Babai qishlogʻida tugʻilgan. Toshkent oliy tank qoʻmondonlik bilim yurtini (hozirgi Chirchiq oliy tank komandir-muhandislik bilim yurti) tamomlab, soʻngra Germaniyadagi Sovet qoʻshinlari guruhida tank vzvodiga qoʻmondonlik qila boshlagan. U 1988-yilda Sovet Ittifoqiga qaytib keldi va Belorussiya harbiy okrugida tank kompaniyasi qoʻmondoni va tank batalyoni shtab boshligʻi sifatida xizmat qilgan.
SSSR parchalanganidan keyin Igor Voronchenko Ukrainaga kelaadi va Xarkovda dagi Ukraina Milliy gvardiyasida xizmat qiladi. 1998-yildan 2003-yilgacha Qrim Avtonom Respublikasi hududida dastlab 7-milliy gvardiya diviziyasiga tegishli boʻlgan polk(keyinchalik 501-alohida mexanizatsiyalashgan polk (A0669 harbiy qism)ga aylantirilgan)ni boshqargan.
Ukraina Prezidentining 2013-yil 6-dekabrdagi 670/2013-sonli farmoni bilan Igor Voronchenkoga „General-mayor“ unvoni berildi.
Qrim anneksiyasi paytida Igor Aleksandrovich flot qoʻmondoni qirgʻoq mudofaasi boʻyicha oʻrinbosari boʻlib ishlagan. Donbassdagi urush davrida u Lugansk viloyati boʻyicha operatsiya boshligʻining oʻrinbosari boʻlgan. Keyinchalik Bosh shtabning Kadrlar Bosh boshqarmasi boshligʻi lavozimida ishlagan.
Ukraina Prezidenti 2016-yil aprel oyida harbiy-dengiz kuchlari qoʻmondoni Sergey Gaydukni ishdan boʻshatgandan soʻng, Voronchenko matbuotda Ukraina harbiy-dengiz kuchlari qoʻmondoni lavozimiga nomzod sifatida chiqdi.
2016-yilning 25-aprelida Ukraina prezidenti Pyotr Poroshenko general-leytenant Igor Voronchenkoni Ukraina harbiy-dengiz kuchlari qoʻmondoni vazifasini bajaruvchi etib tayinladi.
2016-yil 2-iyul kuni Ukraina Prezidenti Pyotr Poroshenko Igor Voronchenkoni Ukraina Qurolli Kuchlari Harbiy-dengiz kuchlari qoʻmondoni etib tayinladi va unga vitse-admiral harbiy unvonini berdi.
2020-yil 11-iyun kuni Ukraina prezidenti Vladimir Zelenskiy Igor Voronchenkoni Ukraina dengiz kuchlari qoʻmondoni lavozimidan ozod qildi [7] . Shu kuni u Ukraina Mudofaa vazirligining bosh inspektori lavozimiga tayinlandi.
2020-yil 11-iyun kuni Ukraina prezidenti Vladimir Zelenskiy Igor Voronchenkoni Ukraina dengiz kuchlari qoʻmondoni lavozimidan ozod qildi va shu kunning oʻzida Shu kuni u Ukraina Mudofaa vazirligining bosh inspektori lavozimiga tayinlandi.
Mukofotlari
Manbalar
Havolalar
uz.wikipedia.org