Igor Sergeev
Igor Sergeyev — (1993-yil 30-aprelda tugʻilgan) — oʻzbek professional futbolchisi, „Tobol“ klubi va Oʻzbekiston milliy terma jamoasida hujumchi sifatida oʻynaydi.
Futbolchilik faoliyati
Paxtakor
Igorning Paxtakor tarkibidagi dastlabki debyut oʻyni 2011-yil 5-mart kuni Qizilqum klubiga qarshi boʻlib oʻtadi. Bunda u oʻyinning 90-daqiqasida Temurxoʻja Abduxoliqovning oʻrniga zaxiradan maydonga tushadi. Sergeyev faoliyati davomida Paxtakor tarkibida 52 ta oʻyinga tushib 15 marta raqib darvozasini ishgʻol qilgan. 2018-yilning 6-iyul kuni Sergeyev Toshkentning „Paxtakor“ klubiga qaytdi
Beyjing Guoan
2016-yilning 6-iyulida Sergeyev „Beyjing Guoan“ klubiga ijaraga berildi va terma jamoadoshi Egor Krimets bilan bir klubga oʻtdi. 16-oktyabr kuni u 2016-yilgi mavsumdagi ilk golini „Beijing Guoan“ va „Changchun Yatay“ uchrashuvida urdi.
Aktobe
2021-yilning 18-fevralida „Aktobe“ klubi Sergeyev bilan shartnoma imzolaganini eʼlon qildi.
Tobol
2021-yilning 19-iyulida Sergeyev „Tobol“ bilan shartnoma imzolash uchun „Aktobe“ni tark etdi. 2023-yil 8-iyun kuni Qozogʻiston jamoasidagi ikki yillik faoliyatidan soʻng Sergeyev oʻzaro kelishuvga koʻra „Tobol“ni tark etdi.
BG Pathum United F. C.
2023-yil 13-iyunda BG Pathum Yunayted Sergeyev bilan shartnoma imzolaganini eʼlon qildi. 2023-yil 22-avgustda Tailand jamoasidagi uchinchi uchrashuvida, AFC Osiyo chempionlar ligasi saralash bosqichida „Shanghai Port F. C.“ klubiga qarshi oʻyinda oʻzining jamoadagi dastlabki gollarini urdi. Uchrashuv yakunida Taliand jamoasi safardagi uchrashuvda 2-3 hisobida gʻalaba qozondi va Igor Osiyo chempionlar ligasida ilk bor bir oʻyinda uchta gol muallifi boʻldi.
Milliy terma jamoa
Sergeev Oʻzbekiston uchun 20 yoshgacha boʻlganlar darajasida oʻzini oddiy futbolchi sifatida koʻrsatgan edi. 2012-yilgi U-19 Osiyo chempionatidan soʻng Sergeyev 7 ta gol bilan turnirning eng yaxshi toʻpurari boʻldi, chunki u Oʻzbekiston U20 terma jamoasini yarim finalga olib chiqdi va final uchun baxsda Janubiy Koreya U20 terma jamoasiga 3:1 hisobida magʻlub boʻldi.
U 2013-yil 10-sentabrda Oʻzbekistonning asosiy terma jamoasi safida debyutini 2014-yilning JCh saralash bosqichi doirasida Iordaniya terma jamoasiga qarshi oʻtkazgan. U Oʻzbekiston terma jamoasining 2015-yilda Avstraliyada boʻlib oʻtadigan Osiyo Kubogi uchun qaydnomasiga kiritildi. Sergeyev uchta oʻyin oʻtkazdi va „B“ guruhidagi dastlabki oʻyinda KXDRga qarshi oʻyinda Oʻzbekistonga 1:0 hisobida gʻalaba keltirgan golga mualliflik qildi.
FIFA-2018 Rossiya Jahon chempionati saralash bosqichida Igor koʻplab gollar urdi va oʻz milliy jamoasiga koʻplab davlatlarni magʻlub etishda katta yordam berdi. 22 yoshli Igor Sergeyev klub va terma jamoa safida muntazam ravishda gol urib, Osiyoning eng istiqbolli yulduzlaridan biri sifatida tanildi. Yosh hujumchi „Paxtakor“ni ichki chempionatda 11-marta chempionligini qoʻlga kiritish yoʻlida davom etishi uchun 40 ta gol urdi. U saralash bosqichida ham xuddi shunday ajoyib oʻyin koʻrsatdi va hozirgacha uchta gol urdi. U 2015-yilning iyun oyida Shimoliy Koreya darvozasiga gol urgan. Keyin esa Filippinga qarshi oʻyinda oʻzining haqiqiy kuchini koʻrsatib, 2 ta gol urib, Oʻzbekistonning 5:1 hisobidagi gʻalabasi bilan yakunlangandi. „Paxtakor“ning yosh hujumchisi oʻyin tugashiga besh daqiqa qolganida dublni amalga oshirib, hisobning yirik koʻrinish olishini taʼminladi.
Faoliyat statistikasi
Klub
2022-yil 6-mart oʻtkazilgan oʻyin holatiga koʻra[15][16]
Xalqaro
2022-yil 20-noyabrda oʻtkazilgan oʻyindagi aniq statistika.
Xalqaro gollar
Gol va natijalar roʻyxatida birinchi boʻlib Oʻzbekistonning gollari qayd etilgan.
Yutuqlari
Jamoaviy
Paxtakor Toshkent
Tobol
Milliy terma jamoa
AFC U-19 Osiyo chempionati 2012: Yarim finalchi
Shaxsiy
Manbalar
Havolalar
uz.wikipedia.org