IDIL, Itil— 8— 10-asrlarda Xazar xoqonligining poytaxti. Hozirgi Astraxon shahridan yuqorida, Idil (Volga) daryosining har ikkala qirg’og’ida va kichik orolda joylashgan. Idilda xazarlar, turklar, slavyanlar, yahudiylar yashagan. Aholisi chorvachilik, dehqonchilik, baliqchilik, hunarmandchilik va savdo bilan shug’ullangan. Idilda xoqon saroyi, ibodatxonalar, maktablar, hammomlar va bozorlar bo’lgan. Turar joylari chaylalar, kigiz o’tovlar va yerto’lalardan iborat bo’lgan. 965 yilda Kiyev knyazi svyatoslav I Igorevich tomonidan vayronaga aylantirilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish