ICHAK SHIRASI
ICHAK SHIRASI — ichak shilliq pardasining bezlaridan ajralib chiqadigan hazm shirasi; rangsiz yoki och sariq suyuqlik, ishqoriy xususiyatga ega. Ovqatning ichak devoriga ta’sir etishi natijasida va ba’zi kimyoviy moddalar ta’sirida vaqt-bevaqt ajralib turadi. Bir sutkada 2,5 l gacha Ichak shirasi ajraladi; u quyuq va suyuq qismlardan iborat bo’lib, katalitik faollikka ega. Ichak shirasi tarkibida uglevod, yog’va oqsillarni parchalaydigan 20 dan ortiq turli fermentlar: aminopolipeptidaza, dipeptidaza, lipaza, nukleaza, amilaza va boshqalar bor. Ingichka Ichak shirasi ovqatni hazm qilishda katta ahamiyatga ega.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz