IBROHIM POSHO
IBROHIM POSHO, Ibrohim bosho (1789, Kavala, hozirgi Gresiya hududida -1848.10.11, Qohira) — Misr davlat va harbiy arbobi. Otasi Muhammad Ali o’tkazgan iqtisodiy islohlarda va Misr armiyasini tuzishda qatnashgan. 1807-12 yillarda daftardor (moliya bo’limi boshlig’i); 1812-16 yillarda Yuqori Misr gubernatori. Misr armiyasining qo’mondoni (1816-41). Misr armiyasi Ibrohim Posho rahbarligida Arabistondagi vahhobiylar harakatini (1816-18) bostirgan. Sudanni egallagan (1820— 22). Ibrohim Posho Gretsiyadagi milliy ozodlik harakati (1821-29) ni bostirishda qatnashgan. Misrturkiya urushida bir necha g’alabaga erishgan (1831-33). Ibrohim Posho bosib olingan mamlakatlar (Falastin, Suriya, Livan) gubernatori (1833-40). 1847 yildan esa Misr hukmdori. 1848 yil iyundan Usmonli turk hukumati uni Misrning voris poshosi qilib tayinladi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz