IBROHIM I DARBANDIY
IBROHIM I DARBANDIY (? — 1417) — darbandiya sulolasi asoschisi, shirvon shohi (1382-1417). Ibrohim I rivoyatlarga ko’ra, Anushirvon naslidan bo’lib, davlatni adolat va tadbirkorlik bilan idora qilgan. Amir Temur bilan To’xshamishning manfaatlari Ozarbayjonda to’qnash kelganda (1385-86) u Shirvonni mustahkamlash va unga Ozarbayjonning bo’lak yerlarini birlashtirish siyosatini ustalik bilan amalga oshirgan. Chunonchi, Ibrohim I Amir Temurdek Jahongirga qarshilik ko’rsatmoq aqldan emasligini idrok etib, darhol uning nomiga Xutba o’qitgan, tanga zarb qildirgan. So’ng, katta hadyalar bilan yo’liga peshvoz chiqib, unga itoatkorlik bildirgan va bu bilan u o’z joni, taxti hamda mamlakatini omon saqlab qolgan. Amir Temur vafot etgach (1405), Ibrohim I Temuriylar o’rtasida boshlangan taxt uchun kurashdan foydalanib, Ozarbayjon mulkdorlari yordamida Shirvon mustaqilligini tiklagan, gurjiston bilan ittifoqlikda Tabrizni egallagan (1406). Pekin u ittifoqchilari — Kaxetiya podshohi va Sheki hokimi bilan birgalikda qora qo’yunlilarga qarshi jang qilib yengilgach (1410), Shirvon yana o’z mustaqilligini yo’qotgan.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz