Ibragimov Eldar

Eldar Saidovich Ibragimov ( ukraincha: Ельдар Саїдович Ібрагімов ; 1976-yil 22-iyun Samarqand) — ukrainalik futbolchi, yarim himoyachi ampulasida oʻynagan. “Gurzuf” klubi murabbiyi.

Biografiyasi

Yoshligidan futbol o'ynashni boshlagan. 8 yoshida onasi uni ona shahri Samarqanddagi SDUSHOR maktabiga olib borgan. Futbol bilan bir vaqtda Eldar maktabda yaxshi o'qigan, maktabni oltin medal bilan tugatgan. Keyin u tibbiyot maktabiga o'qishga kirgan (tish shifokori bo'lib tugatgan) va futbol o'ynashni to'xtatgan. 18 yoshida Eldar oilasi bilan Qrimga ko'chib o'tgan. Tibbiyot institutni tugatgach, Mykolaivga o'qishga kirgan va u yerda yana futbol o'ynay boshlagan.

1997-yilda u Anatoliy Zayayev murabbiy bo'lgan Mykolaiv klubi tarkibiga qo'shilgan. Ibragimov so'ng “Metallurg” (Nikopol), “Prikarpattya” (Ivano-Frankivsk), “Energetik ” (Burshtin) va “Bukovina” klublarida o'ynagan. 2000-yilning yozida u Polissya Jitomir jamoasiga ko'chib o'tgan, jamoada taxminan 3 yil o'ynagan. Umumiy hisobda Ukrainaning Ikkinchi va Birinchi ligalarida 96 o'yin o'tkazgan hamda 28 o'yinda gol urishga muvaffaq boʻlgan.

2004-yilning qishida u Xarkovning "Metallist" jamoasiga ko'chib o'tgan. 2003—2004-yilgi mavsumda jamoa bilan birgalikda Birinchi ligada 2-o'rinni egallab, Premyer-ligaga yo'l olgan. U 2004-yilning 20-iyulida "Metallurg" jamoasiga qarshi uy stadionida (1:4) Premyer-ligada debyut qilgan, Ibragimov Anderson Ribeyro o'rniga 72-daqiqada maydonga tushgan. 2005-yilning yozida Ibragimov "Xarkov" klubiga ko'chib o'tgan, jamoada 2 yil o'ynagan va Premyer-ligada 30 ta o'yin o'tkazgan. 2006-yilda Eldar Qrim tatarlari jamoasiga nomzodlar ro'yxatiga kiritilgan.

2007-yil yozida u Simferopolga ko'chib o'tgan "IgroServis" jamoaning asosiy o'yinchisiga aylangan. 2009-yilning yozida klub o'z faoliyatini to'xtatgan va barcha jamoa futbolchilariga erkin agent maqomi berilgan. 2010-yil fevral oyida Eldar Foros tarkibida Krimteplitsa kubogida o'ynagan. 2010-yil bahorida u Yalta shahar chempionatida Gurzuf jamoasida o'ynagan. Shundan so'ng Eldar viloyat chempionatida Novotroitskiyning "Tavriya" jamoasida, havaskorlar o'rtasidagi Ukraina chempionatida Mykolaivning "Torpedo" jamoasida o'ynagan. 2011-yilning qishida u yana Gurzuf tarkibiga borib qoʻshilgan.

Qrim Rossiyaga qo'shib olingandan keyin u Rossiya fuqaroligini qabul qilgan. 2020-yildan buyon Qrim futbol akademiyasida 2006-yilda tug‘ilganlar terma jamoasi murabbiyi sifatida ishlab kelmoqda.

Yutuqlari

Shahsiy hayoti

Ibragimov millati qrim-tatar. 1990-yillar boshida ota-onasi bilan Oʻzbekistondan Qrimga koʻchib kelgan.

Manbalar

uz.wikipedia.org