Husniddin Gafurov
Husniddin Gʻofurov (1994-yil 29-iyulda tugʻilgan) — Oʻzbek futbolchisi, Toshkentning „Paxtakor“ klubiga tegishli futbolchi. Hozirda ijara asosida „Metallurg Bekobod“ jamoasida toʻp surmoqda.
Futbolchilik faoliyati
Fargʻonada tugʻilgan Husniddin 2012/13-yillarda Serbiyaga koʻchib oʻtgunga qadar Oʻzbekistonning „NBU Osiyo“ jamoasida oʻynagan. 2013-yilda u Oʻzbekiston Birinchi ligasida jami 14 ta gol muallifiga aylangan boʻlib, shulardan 13 tasini chempionatning birinchi bosqichida urgan va „NBU Osiyo“ning eng yaxshi toʻpurari boʻlgan. 2013-yilning yozida u FK Javor Ivanjica bilan 3 yillik shartnoma imzolagan. 2013-yilning 31-avgustida u 2013/14-yilgi Serbiya Superligasida „Spartak Zlatibor Voda“ga qarshi toʻrtinchi tur oʻyinida debyut qilgan.
2018-yilning 15-yanvar kuni Gʻofurov Toshkentning „Lokomotiv“ klubi bilan ikki yillik shartnoma imzolagan. U „Lokomotiv“ bilan 2018-yilgi Oʻzbekiston Superligasi va 2019-yilgi Oʻzbekiston Superkubogini qoʻlga kiritgan. Keyinchalik u, 2019-yil 21-iyul kuni Lokoning raqibi Toshkentning „Paxtakor“ klubi bilan shartnoma imzolagan.
Milliy terma jamoa
Gʻofurov 2013-yilning may oyida Oʻzbekiston U-17 terma jamoasi oʻquv lagerida ishtirok etgan.
2014-yilning 19-may kuni Gʻofurov Ummonga qarshi oʻrtoqlik uchrashuviga chaqirilgan.
U 2014-yilning 27-may kuni Ummonga qarshi oʻyinda asosiy tarkibda maydonga tushib, milliy terma jamoadagi rasmiy debyutini oʻtkazgan.
2016-yilda u yoshlar darajasida iqtidorini namoyish etgan. Yanvar oyida 2016-yilgi 23 yoshgacha boʻlgan futbolchilar oʻrtasidagi Osiyo chempionatida Oʻzbekiston U-23 terma jamoasi aʼzosi boʻlgan, oktyabr oyida esa 2016-yilgi U-19 Osiyo chempionatida Oʻzbekiston U-19 terma jamoasi tarkibida maydonga tushgan.
Xalqaro maydondagi gollari
Yutuqlar
Lokomotiv Toshkent
Paxtakor Toshkent
Manbalar
Havolalar
uz.wikipedia.org