Хусанов, Абдукодир Хикматович
Abduqodir Hikmatovich Xusanov (2004-yil 29-fevralda tugʻilgan, Toshkent, Oʻzbekiston) — oʻzbek futbolchisi, Fransiyaning „RC Lans“ klubi himoyachisi.
Futbolchilik faoliyati
Yoshlik faoliyati
Oʻzbekistonning „Bunyodkor“ klubi tarbiyalanuvchisi. U klubning 18 yoshgacha boʻlgan yoshlar toifasida oʻynagan.
Klub faoliyati
2022-yil mart oyida u Energetik-BDUga koʻchib oʻtdi. Futbolchi „45“ raqamini oldi. U klubdagi debyutini 2022-yil 19-mart kuni Vitebskga qarshi oʻyinda oʻtkazdi, u yerda futbolchining oʻzi asosiy tarkibda maydonga tushdi va butun oʻyinni oʻtkazdi. U oʻzining ilk golini 2022-yilning 2-mayida Neman Grodnoga qarshi oʻyinda kiritgan va u erda ham 2 ta golli uzatma bergan. 2022-yil 29-may kuni „Slaviya Mozir“ga qarshi oʻyinda u birinchi golini penaltidan kiritdi. 2022-yil avgust oyida u Xalqaro sport tadqiqotlari markazi maʼlumotlariga koʻra dunyoning eng istiqbolli futbolchilari roʻyxatiga kiritildi. 2022-yilning dekabr oyida klub futbolchining klubda oʻynashda davom etishini eʼlon qildi.
RC Lans 2023 yilning iyul oyida oʻzbek OAVlarida futbolchiga Fransiyaning „Lans“ jamoasidan qiziqish bildirilgani haqida xabarlar tarqaldi. Keyinchalik, futbolchining fransuz klubi bilan shartnoma imzolashga yaqin qolgani haqida ham maʼlumotlar paydo boʻldi. 2023-yilning 24-iyulda Fransiyaning yetakchi jamoalaridan biri RC Lans jamoasi bilan shartnoma imzolagani haqida Oʻzbekistonning „Championat.asia“ internet nashri va Fransiyaning „L’Équipe“ nashrlari habar berdi. U 25-raqamni qoʻlga kiritdi va shu bilan birga Fransiyaning Oliy dvizioni, Liga 1da oʻynagan tarixdagi birinchi oʻzbekistonlik futbolchiga aylandi.
Terma jamoadagi faoliyati
U 17 yoshgacha boʻlgan Oʻzbekiston yoshlar terma jamoasida oʻynagan. 2022-yilning iyun oyida 19 yoshgacha boʻlgan Oʻzbekiston yoshlar terma jamoasida debyut qilgan. 2023-yil mart oyida Oʻzbekistonda oʻtkazilgan AFC U-20 Osiyo kubogi 2023 musoboqasida Oʻzbekiston yoshlar terma jamoasi safida chempionlikni qoʻlga kiritdi. 2023-yil FIFA U-20 Jahon chempionati 2023 musoboqasida 4 ta uchrashuvda ishtirok etdi. 2023 iyun oyida Oʻzbekiston milliy terma jamoasi safida CAFA Millatlar Kubogi 2023 musoboqasida, Ummon terma jamoasiga qarshi oʻyinda ilk bor debyut qildi.
Faoliyat statistikasi
Klub
match played 30 April 2023[24]
Yutuqlar
Terma jamoa
Oʻzbekiston (20 yoshgacha) Oʻzbekiston Shaxsiy hayot
Abduqodir taniqli futbolchi va hozirda Bunyodkor akademiyasida murabbiylik qilayotgan Hikmat Hoshimovning oʻgʻli hisoblanadi.
Manbalar
Havolalar
uz.wikipedia.org