Hugo Guillamón
Hugo Guillamón Sanmartín (talaffuzi: Ugo Guillamon Sanmartin) — 2000-yil 31-yanvar sanasida Ispaniyada tugʻilgan. „Valencia“ klubi va Ispaniya terma jamoasining markaziy himoyachisi.
Jamoalardagi faoliyati
Hugo Guillamón „Valencia“ bitiruvchisi. 2017-yil oxirida u klub bilan 2020-yilgacha shartnoma imzoladi. Bu vaqt ichida u ikkinchi jamoada Segunda Bda oʻynadi. 2020-yilning 22-fevralida u La Ligadagi debyutini „Reala Sociedad“ga qarshi oʻtkazdi. 20-noyabr kuni „Deportivo Alavés“ga qarshi bahsda Hugo Guillamón „Valencia“ safidagi ilk golini urdi.
Xalqaro karyerasi
2017-yilda Hugo Guillamón Ispaniya yoshlar terma jamoasi bilan Xorvatiyada boʻlib oʻtgan yoshlar oʻrtasidagi Yevropa chempionatida gʻolib chiqdi. Turnirda u Turkiya, Italiya, Xorvatiya, Fransiya, Germaniya va Angliya jamoalariga qarshi oʻyinlarda ishtirok etgan.
Oʻsha yili Hugo Guillamón Hindistonda boʻlib oʻtgan yoshlar oʻrtasidagi jahon chempionatida ishtirok etdi. Turnirda u Braziliya, Janubiy Koreya, Niger, Fransiya, Eron, Mali va Angliya terma jamoalariga qarshi oʻyinlarda ishtirok etgan.
2019-yilda Ispaniya yoshlar terma jamoasi bilan Hugo Guillamón Armanistonda oʻtkazilgan yoshlar oʻrtasidagi Yevropa chempionatida gʻolib chiqdi. Turnirda u Armaniston, Italiya, Fransiya va ikki marta Portugaliya jamoalariga qarshi oʻyinlarda ishtirok etgan.
2021-yilda Ispaniya yoshlar terma jamoasi tarkibida Hugo Guillamón 2021-yilda Vengriya va Sloveniyada boʻlib oʻtgan yoshlar oʻrtasidagi Yevropa chempionatida ishtirok etdi. Turnirda u Sloveniya, Italiya va Chexiya va Xorvatiya terma jamoalariga qarshi oʻyinda maydonga tushdi.
2021-yil 8-iyun kuni Litva terma jamoasiga qarshi oʻrtoqlik uchrashuvida Hugo Guillamón Ispaniya terma jamoasi safida debyut qildi.
Statistikasi
Yutuqlari
Xalqaro yutuqlari Ispaniya (U17) Ispaniya (U18) Manbalar
uz.wikipedia.org