Hoshim qanday ulg‘aydi

---

Hoshim qanday ulgʻaydi — 1976-yilda SSSR Davlat teleradiokompaniyasi buyurtmasi asosida “Oʻzbekfilm” kinostudiyasi tomonidan ishlab chiqarilgan rangli talqindagi bolalar badiiy filmi. Xudoyberdi Toʻxtaboyevning “Sehrli qalpoq” hikoyasi asosida suratga olingan.

Filmning qisqacha mazmuni

---

Film qahramoni toʻrtinchi sinf oʻquvchisi Hoshimjon na uyda, na maktabda muvaffaqiyat qozonardi. Bekorchilikdan va maqtanishdan uni boshqa ishi yoʻq edi.  Tanbal ona va uning oʻgʻillari Dunno va Bilmasvoy uni umuman maktabga bormaslikka va uydan qochishga koʻndirishadi. Hoshim ulardan uni voyaga yetkazib, katta qilib qoʻyishini iltimos qiladi. Hoshimjonning iltimosi rad qilinmay, bir ovozdan ma’qullanadi.

Katta boʻlgan Hoshimjon oʻzini agronom, rassom, oshpaz, sartarosh, tikuvchi sifatida sinab koʻrdi, biroq hech bir kasbda unga omad kulib boqmaydi. Chunki unda bilim tajriba yetishmasdi. Shunda Hoshimjon sehrgarlardan uni aqlli qilib qoʻyishini soʻraydi, ammo uning bu istagi qabul qilinmaydi. Umidsiz Hoshimjon yana kichik boʻlishini soʻraydi, bu talabi ham rad etiladi. Shundan keyin Hoshimjon uyga qanday boʻlsa shu holatida qaytadi. Lekin uni onasi va singlisidan boshqa hech kim tanimaydi.

Hoshimjon maktabda qunt bilan oʻqish, oʻrganish va uy ishlarida koʻmak berishdan boshqa chorasi qolmaydi. Shu tariqa undan afsun ham yoʻqolib, u asl holatiga qaytadi. Film soʻnggida tanbal ona va uning oʻgʻillari ishyoqmas va bekorchi bolalarni qidirish uchun koʻzdan gʻoyib boʻlishadi.

Rollarda

---

Adabiyotlar

---

uz.wikipedia.org