Himolay mushugi
Himolay mushugi — Fors mushugiga oʻxshash uzun yungli mushuk zoti hisoblanadi. Baʼzi joylarda Himolay mushugini siam mushugining uzun yungli turi yoki fors mushugining rang-barang turi sifatida tasniflashadi. Butunjahon mushuklar federatsiyasi ularni Colorpoint Shorthair va Javanese zotlari bilan birlashtirib,
Colorpoint yagona zotiga aylantirgan.
Tashqi koʻrinishi
Tanasi
Umuman olganda, fors mushugi singari, Himolay mushugi ham dumaloq tana va qisqa oyoqlarga ega, bu ularning boshqa mushuklar kabi balandlikka sakray olishini qiyinlashtiradi.
Boshi
Boshqa fors mushuklarida boʻlgani kabi, Himolay mushuklarining ikki turi mavjud, ular anʼanaviy yoki qoʻgʻirchoq yuzli va koʻproq egilgan koʻrinadigan yuz xususiyatlariga ega.
Himolay mushuklari, xuddi peke yuzli fors mushuklari singari burunlari qisqa va juda katta, yumaloq koʻzlari bor, burun terisi toʻgʻridan-toʻgʻri koʻzlari orasida joylashgan bo'ladi.
Yungi
Himolay mushugi tanasidagi moʻynaning asosiy qismi oq yoki sargʻish boʻladi, lekin yungidagi dogʻlar turli xil ranglarda boʻladi: qora, koʻk, lilak, shokolad rang, qizil (olov rang) va sargʻish.
Shokolad va lilak rangli dogʻlarga ega Himolaylar juda kamyob boʻladi, chunki shokolad yoki lilak mushukchalar tugʻulishi uchun ikkala ota-ona ham Shokolad/lilak genini olib yurishi kerak, chunki bu xususiyat autosomal retsessivdir.
Salomatligi
Fors ajdodlari tufayli baʼzi Himolaylar polikistik buyrak kasalligini (PKD) keltirib chiqaradigan genga ega boʻlishi mumkin, ammo, genetik test qaysi mushuklar PKD genini olib yurishini aniqlashtirish mumkin, shuning uchun mushuklar sterilizatsiya qilinishi kerak.
Koʻpgina uzun yungli mushuklar singari, Himolaylar yunglarini yaxshi va sogʻlom koʻrinishi uchun har kuni tarash kerak boʻladi. Bundan tashqari, uy egalari mushuklar yuzini har kuni artib turishlari ham zarur. Himolay mushuklarini choʻmiltirish, mushukning moʻynasi va terisida yogʻ miqdorini kamaytirishga yordam beradi, shuning uchun baʼzi seleksionerlar tomonidan tez-tez choʻmiltirib turish tavsiya qilinadi.
Galereya
Manbalar
Havolalar
uz.wikipedia.org