Heath Pearce

Heath Gregory Pearce (talaffuzi: Hit Gregori Pirs; 1984-yil 13-avgustda AQShning Kaliforniya shtati Modesto shahrida tugʻilgan) — amerikalik futbolchi. AQSh terma jamoasidagi oʻyinlari bilan tanilgan. Hozirgi kunda u YouTube videoxostingidagi „KICK“ vlogida „The Mixer“ dasturining boshlovchisi.

Klublardagi faoliyati

Heath Pearce futbolchilik faoliyatini Portlend universitetining futbol jamoasida oʻynashdan boshlagan.

2005-yilda Heath Pearce Daniyaning „Nordsjælland“ jamoasi bilan shartnoma imzoladi. U darhol klubning asosiy bazasidan joy oldi va ikki mavsum davomida himoya chizigʻining yetakchisi boʻldi.

2007-yil 16-iyulda Heath Pearce Germaniyaning „Hansa Rostock“ futbol klubi bilan ikki yillik shartnoma imzoladi. 11-avgust kuni „Bayern München“ futbol klubiga qarshi oʻyinda u Bundesligada debyut qildi. Mavsum oxirida „Hansa Rostock“ futbol klubi Ikkinchi Bundesligaga yoʻl oldi. 2009-yil aprel oyida Heath Pearce jarohat olganlikda gumon qilingani uchun zaxiraga oʻtkazildi. Heath Pearce bu haqiqat emasligini daʼvo qilgan boʻlsa-da, shunday sababga koʻra uning shartnomasi klub tomonidan bekor qilingan.

Xalqaro faoliyati

2005-yil 12-noyabrda Shotlandiyaga qarshi oʻrtoqlik oʻyinida Heath Pearce uchrashuvning ikkinchi yarmida DaMarcus Beasley oʻrniga maydonga tushib AQSh terma jamoasi safida debyut qildi. 2006-yilda Heath Pearce Jahon chempionati oldidan oʻrtoqlik oʻyinlariga chaqirilgan, ammo yakuniy tarkibga kiritilmagan.

2007-yilda Heath Pearce Amerika kubogida ishtirok etdi. Turnirda u Kolumbiyaga qarshi oʻyinda ishtirok etdi. 2009-yilda Heath Pearce Konfederatsiyalar kubogida terma jamoa safida oʻynadi va kumush medallarni qoʻlga kiritdi. U zaxiradan maydonga tushmagan. Oʻsha yili Heath Pearce AQSh jamoasi tarkibida CONCACAF oltin kubogida ishtirok etdi va musobaqaning kumush medalni qoʻlga kiritgan. Turnirda Heath Pearce Gonduras, Meksika, Grenada va Panama terma jamoalariga qarshi oʻyinlarda maydonga tushgan.

Statistika

Manbalar

uz.wikipedia.org